चंद्रपुरातील बल्लारपूरात मोठी दुर्घटना; रेल्वे स्थानकावरील पादचारी पूलाचा स्लॅब कोसळला, काही जखमी

चंद्रपूरः चंद्रपूरमधील बल्लारपूर येथे रेल्वे ब्रिजचा स्लॅब कोसळल्याची घटना घडली आहे. प्राथमिक माहितीनुसार दहा जण जखमी झालेले आहे. ओव्हरहेड वायरला तुटल्याने पादचारी पुलावरुन पायी जात असलेले प्रवशी जखमी झाले.

आज सायंकाळच्या दरम्यान रेल्वे पूलावरुन पादचारी चालत असतांना अचानक ब्रिजचा स्लॅब कोसळला. त्यामुळे एकच धावपळ उडाली. अनेकांनी ब्रिजवरुन उतरण्याचा आणि दुसऱ्या ब्रिजवर जाण्याचा प्रयत्न केल्याचं सांगितलं जातंय. मात्र या दरम्यानच ओव्हरहेड वायरचा काहींना धक्का लागला. त्यामुळे प्रवाशी जखमी झाले.

या घटनेमध्ये अद्यापपर्यंत १० प्रवाशी जखमी झाल्याचं सांगितलं जातंय. जखमींना तातडीने रुग्णालयात हलवण्यात आलं. त्यांच्यावर उपचार सुरु आहेत. घटना घडल्यानंतर तातडीने मदतकार्य सुरु झाले. पोलिस कर्मचारी आणि उपस्थित नागरिकांनी मदतकार्यात सहकार्य केलं.