घरीच कुंडीत ‘या’ पद्धतीने लावा टोमॅटोची रोपं, मिळतील सेंद्रिय आणि रसाळ टोमॅटो

टोमॅटो हे भारतीय स्वयंपाक घरात वापरल्या जाणाऱ्या भाजीपाल्या पैकी एक आहे. टोमॅटो शिवाय सलाड, एखादी भाजी पूर्ण होत नाही. यामुळे टोमॅटोचा वापर अधिक प्रमाणात केला जातो. मात्र आजकाल बाजारात केमिकल आणि कीटकनाशके फवारली जाणारी टोमॅटो विकण्यास ठेवली जातात. पण असे टोमॅटो आपल्या आरोग्यासाठी हानिकारक असू शकतात.

जर तुम्हाल केमिकलमुक्त टोमॅटो हवे असल्यास तुम्ही घरी ताजे, रसाळ आणि 100% सेंद्रिय टोमॅटोचं रोपं लावून लागवड करणे हा एक उत्तम पर्याय आहे. त्यात टोमॅटोची लागवड करणे आणि वाढवणे हे जितकं विचार करतात तितके कठीण नाहीत. या लेखात घरी उत्कृष्ट टोमॅटो रोपं वाढवण्याचे काही सोप्या स्टेप बद्दल जाणून घेऊयात.

उच्च दर्जाचे बियाणे निवडा: विश्वसनीय कंपनीकडून किंवा दूकानातून हाइब्रिट टोमॅटोची बियाणे घ्या, कारण ते रोपाच्या चांगल्या वाढीस मदत करतात.

बियाणे अंकुरित करा: बियाणे 24 तास पाण्यात भिजवा, नंतर त्यांना ओल्या कापडात गुंडाळा आणि 5-6 दिवस तसेच राहू द्या. त्यानंतर ते बियांना हलकेच छोटे अंकूर आलेले दिसतील.

सुपीक माती तयार करा: 40% बागेची माती, 30% शेणखत आणि 30% कोकोपीट मातीत मिक्स करा. यामुळे त्याची मुळे मजबूत होतील आणि त्यांचे पोषण होईल.

योग्य कुंडी निवडा: 12 ते 14 इंच खोल कुंडी किंवा ग्रो बॅग निवडा जेणेकरून मुळे व्यवस्थित पसरतील.

रोपे हलवा: रोपे 4-5 इंच उंच झाल्यावर त्यांना काळजीपूर्वक मोठ्या कुंड्यांमध्ये लावा आणि त्यांना चांगले पाणी द्या. भरपूर सूर्यप्रकाश द्या. रोपाला दररोज किमान 6 तास थेट सूर्यप्रकाश मिळाला पाहिजे. बाल्कनी किंवा टेरेस हे सर्वोत्तम ठिकाण आहे.

नियमितपणे पाणी द्या: माती कोरडी होऊ नये म्हणून नियमितपणे पाणी द्या, परंतु जास्त पाणी देऊ नका. आठवड्यातून 3 ते 4 वेळा पाणी देणे उत्तम आहे.

रोपाला आधार द्या. रोप वाढत असताना त्याला आधाराची आवश्यकता असेल. लाकडी काठ्या किंवा दोरी वापरा.

कीटकांपासून संरक्षण: कीटक आणि बुरशीपासून संरक्षण करण्यासाठी दर 10-15 दिवसांनी कडुलिंबाचे तेल फवारणी करा. सेंद्रिय खते घालत रहा: केळीच्या सालीचे पाणी, ताक किंवा गांडूळखत यासारखी घरगुती खते दर 15 दिवसांनी देत राहा.

टोमॅटो वेळेवर काढा: टोमॅटो लाल, चमकदार आणि मध्यम आकाराचे झाल्यावर ते काढा.

थोडेसे प्रयत्न आणि योग्य ज्ञान असल्यास तुम्ही घरी केमिकलमुक्त, चविष्ट आणि पौष्टिक टोमॅटो वाढवू शकता. हे टोमॅटो तुमच्या स्वयंपाकघरातील गरजा पूर्ण करतीलच पण तुमच्या बागकामाचा अनुभवही सुंदर बनवतील.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)