गुजरात: दोन ट्रक-कारमध्ये जोरदार धडक, ६ जणांचा होरपळून जागीच मृत्यू,

नवी दिल्ली: गुजरातमधील मोडासा येथील आलमपूरजवळ दोन ट्रक आणि कारमध्ये भीषण अपघात झाला. जोरदार धडकेनंतर कारने पेट घेतला, ज्यामध्ये सहा जणांचा होरपळून मृत्यू झाला. या भीषण अपघातानंतर मोडासा-नडियाद महामार्गावर वाहतूक कोंडी झाली. महामार्ग बंद झाल्यामुळे सध्या येथे दहा किलोमीटरपर्यंत वाहतूक कोंडी झाली आहे. मिळालेल्या माहितीनुसार, एका व्यक्तीचा मृतदेह बाहेर काढण्यात आला. ५ पेक्षा जास्त लोक अजूनही वाहनांच्या आत अडकल्याचे वृत्त आहे. त्यांना बाहेर काढण्यासाठीही प्रयत्न सुरू आहेत. सध्या अग्निशमन दलाच्या गाड्या घटनास्थळी दाखल झाल्या असून आग आटोक्यात आणण्याचे काम सुरू केले आहे.