उल्हासनगर हिल लाईन पोलीस स्टेशन हद्दीत एका युवकाची आत्महत्या

उल्हासनगर - मधील हिल लाईन पोलीस स्टेशनच्या हद्दीतीत नेवाळी परिसरात एका अठरा वर्षाच्या युवकाने रात्री राहत्या घरात गळफास लावून आत्महत्या केल्याची धक्कदायक घटना घडली आहे. त्या युवकाने आत्महत्या का केली याबाबत कोणतेही माहिती अद्याप पुढे आलेली नाही. याप्रकरणी पोलीस ठाण्यात अकस्मात मृत्यूची नोंद करण्यात आली असून, सदर युवकाचा मृतदेह मध्यवर्ती रुग्णालयात शवविच्छेदनासाठी आणण्यात आला आहे.

नेवाळी येथील गणपती मंदिराच्या मागील बाजूस सर्वेश मरगज हा युवक एकटा राहत होता, सकाळपासून त्याचा त्याच्या मित्रांना आणि नातेवाईकांना काही संपर्क होत नसल्याने रात्री त्याच्या मित्रांनी त्याच्या घराकडे धाव घेतली. यावेळी घरात सर्वेश फास लावून लटकत असल्याचे दिसून आले, त्यानंतर आजूबाजूच्या लोकांनी त्याचा दरवाजा तोडून पोलिसांना बोलावले आणि सर्वेशला मध्यवर्ती रुग्णालयात नेण्यात आले,यावेळी डॉक्टरांनी सर्वेश ला तपासले असता त्याचा मृत्यू झाल्याचे त्यांनी घोषित केले, या घटनेने परिसरात खळबळ माजली असून सर्वेशच्या आत्महत्येचे कारण समोर आलेले नाही.