राहाता : अमृतसर (पंजाब) येथे पोलीस उपनिरीक्षकाचे वाहन स्फोटकांद्वारे उडवून देण्याचा प्रयत्न करणाऱ्या संशयित गुन्हेगारास केंद्रीय गुप्तचर विभाग, पंजाब पोलीस व स्थानिक पोलिसांनी मोहीम राबवत शिर्डीतील एका हॉटेलमधून शुक्रवारी रात्री उशीरा अटक केली. या आरोपीला पंजाब पोलिसांच्या पथकाने शनिवारी विमानमार्गे पंजाबला नेले.
राजिंदरकुमार राजकुमार बेदी (२९, घर क्र. १, हरिके पट्टन, तहसीलपट्टी रस्ता, जि. तरंगतारंग, पंजाब) असे अटक केलेल्या आरोपीचे नाव आहे. अमृतसर येथील रणजित एवेन्यू पोलीस ठाण्यात त्याच्याविरुद्ध स्फोटक प्रतिबंधक कायद्यान्वये गुन्हा दाखल आहे. गुन्हा घडल्यापासून पंजाब पोलीस त्याच्या मागावर होते. तो पाकिस्तानच्या आयएसआयया गुप्तहेर संघटनेचा हॅण्डलर असल्याचा व त्याला कॅनडातून निधी पुरवठा होत असल्याचा पंजाब पोलिसांचा संशय आहे.
अमृतसर येथे राजिंदरकुमार, त्याचे साथीदार हरपाल सिंग, फत्यदीपसिंग या आरोपींनी पंजाबमधील पोलिस उपनिरीक्षक दिलबाग सिंग यांच्या चारचाकी गाडीखाली १४ फेब्रुवारी २०२२ रोजी बॉम्ब ठेवून नंतर फरार झाले होते. यातील राजिंदर हा आरोपी मालदीव देशात विमानाने जाण्यासाठी निघाला होता. परंतु त्याचा करोना चाचणी अहवाल नसल्याने विमानाचे तिकीट मिळाले नाही. तो दिल्ली येथून ‘मंगला एक्सप्रेस’ रेल्वेने नांदेड येथे जाण्यासाठी निघाला. परंतु ही रेल्वे नांदेडला न जाता मनमाडपर्यंत असल्याने तो मनमाड स्थानकावर उतरला. तेथे त्याने एका लॉजवर एक दिवस मुक्काम केला. सकाळी एका दुकानातून दोन सिमकार्ड व एक छोटा मोबाईल घेतला. त्यानंतर तो टॅक्सीने शिर्डीत आला. शिर्डीतील हॉटेल गंगा कॉन्टीनेंटलह्ण येथे थांबला. त्यानंतर तो दर्शनासाठी साई मंदिरात गेला. दुपारी दीडच्या सुमारास तो दर्शन करून हॉटेलवर परत आला. याच दरम्यान त्याने मित्राला फोन केल्यानंतर तो पंजाब पोलिसांच्या जाळय़ात अडकला. त्यानंतर केंद्रीय गुप्तचर विभागाचे (आयबी) पुणे येथील पथक व स्थानिक पोलिसांनी त्याला शुक्रवारी ताब्यात घेतले.
गुन्हेगार आश्रयाला..
देशातील दहशतवादी कारवायांच्या पार्श्वभूमीवर साईबाबा मंदिराची सुरक्षा नेहमीच सतर्क असते. मंदिराला दहशतवाद्यांचा धोका असल्याचेही वरिष्ठ पोलीस अधिकारी सांगतात. त्यामुळे मंदिर व परिसरात पोलीस तसेच ‘क्युआरटी’ पथकाची सुरक्षा असतानाही पंजाबमधील हा संशयित खलिस्तानवादी आरोपी शुक्रवारी मंदिरात जाऊन दर्शन घेऊन पुन्हा लॉजकडे जातो, तरीही त्याचा थांगपत्ताही शिर्डी पोलीस, मंदिर सुरक्षा व स्थानिक पोलीस अधिकारी व कर्मचाऱ्यांना का लागला नाही असा प्रश्न उपस्थित झाला आहे. शिर्डीत गुन्हेगारांचे वास्तव्य असते. या गुन्हेगारांना परराज्यातील पोलीस घेऊन जातात नंतरच त्याची माहिती स्थानिक पोलिसांना कळते. गुन्हेगार लॉज, हॉटेलमध्ये खोल्या घेऊन राहतात, त्याची खातरजमा हॉटेल आणि लॉजचालक करत नाहीत.
भ्रमणध्वनी चालू करताच शोध.. राजिंदर बेदी हा आरोपी शिर्डीत असल्याची माहिती पंजाब पोलिसांनी त्याचा भ्रमणध्वनी चालू झाल्यावर मिळताच त्यांनी ही माहिती राज्य दहशतवादी पथक तसेच गुप्तचर यंत्रणेला दिली. नंतर त्यांनी याची माहिती स्थानिक पोलिसांना देताच राजिंदरला शिर्डीतील हॉटेलमधून ताब्यात घेऊन पंजाब पोलिसांच्या ताब्यात देण्यात आले.
अटक केलेला राजिंदर बेदी हा खलिस्तानवादी असल्याचा संशय आहे. राज्याचे एटीएस पथक व केंद्रीय गुप्तचर यंत्रणांनी माहिती दिल्यानंतर शिर्डीतील एका हॉटेलमधून त्याला ताब्यात घेण्यात आले. नंतर त्याची माहिती पंजाब पोलिसांना देण्यात आली. आज येथे आलेल्या पंजाब पोलिसांच्या पथकाच्या ताब्यात त्याला देण्यात आले. पंजाब पोलीस त्याला विमानमार्गे घेऊन गेले. पंजाबमधील पोलीस उपनिरीक्षकाचे वाहन स्फोटकांद्वारे उडून देण्याचा प्रयत्न केल्याचा गुन्हा त्यांच्याविरुध्द दाखल आहे.
शहर
- Chembur Fire : चेंबूरमधील आग दुर्घटनेची CM शिंदेंकडून पाहणी; मृतांच्या कुटुंबियांना 5 लाखांची मदत जाहिर
- Pune Crime : पुणे हादरलं! वारज्यात घरात घुसून महिलेवर लैंगिक अत्याचार, शहरात संतापाची लाट
- Mumbai : मुंबईत मोठी दुर्घटना, चेंबूरमधील सिद्धार्थ कॉलनीत भीषण आग; एकाच कुटुंबातील ७ जणांचा मृत्यू
- Pune Crime : रोड रोमिओच्या त्रासाला कंटाळून १२ वर्षीय मुलीने संपवलं जीवन, पिंपरी चिंचवडमधील धक्कादायक घटना
महाराष्ट्र
- Latur Food Poisoning : खळबळजनक! लातूरमध्ये 30 ते 35 विद्यार्थिनींना जेवणातून विषबाधा; प्रशासनाची धावपळ
- Akola News : संतापजनक! निर्दयी बापाने 2 चिमुकल्या मुलींना नदीत फेकलं; मन सुन्न करणारी घटना, आरोपीला अटक
- Chandrapur School Bus Accident : विद्यार्थांना घेऊन जाणारी स्कूल बस उलटली, बसमध्ये होते ६० विद्यार्थी
- Beed News : बँक शाखा व्यवस्थापकास पाईपने मारहाण; घटनेनंतर बँक अधिकारी कर्मचाऱ्यांचा तहसीलवर मोर्चा
गुन्हा
- Pune Crime : बोपदेव घाट बलात्कार प्रकरण, संशयित आरोपींचे CCTV फुटेज समोर
- Pune Crime: पुणे पुन्हा हादरले! ५ वर्षांच्या चिमुकल्यावर अनैसर्गिक अत्याचार, कोंढव्यातील संतापजनक प्रकार
- Pune Crime : पुण्यात माणुसकीला काळिमा..! धावत्या स्कूल बसमध्ये २ अल्पवयीन मुलींवर लैंगिक अत्याचार
- Pune Police : आधी हप्ता घेतला, नंतर बेडशीटही पळवल्या; पुण्यात दोन पोलिसांचं तडकाफडकी निलंबन
राजकीय
- Maharashtra Politics : पुण्यात मनसेला मोठं खिंडार, जयंत पाटलांनी गेम केला; राज ठाकरेंचा विश्वासू नेताच फोडला
- Maharashtra Politics : मराठा ओबीसी वाद मिटणार? आरक्षणाच्या मुद्द्यावर आज सर्वपक्षीय नेत्यांची बैठक, शरद पवारांसह दोन्ही ठाकरेंना निमंत्रण
- Uddhav Thackeray : 'पापाचा घडा लपवण्यासाठी...'; 'मुख्यमंत्री लाडकी बहीण योजने'वरून उद्धव ठाकरेंचा राज्य सरकारवर घणाघात
- Maharashtra Politics : छत्रपती संभाजीनगरमध्ये भाजपला मोठं खिंडार, राजू शिंदेंसह ६ माजी नगरसेवक ठाकरे गटात
इतर
- Aastad Kale : 'राजन नावाचे क्रिमिनल आहेतच की', मुलाचं नाव जहांगीर ठेवल्यामुळे चिन्मय मांडलेकरच्या ट्रोलिंगवर आस्ताद काळेचं स्पष्ट मत
- Ashok Saraf : नाट्य परिषदेचा जीवनगौरव पुरस्कार अभिनेते अशोक सराफ व रोहिणी हटंगडी यांना जाहीर
- Neena Gupta Interview : 'पैशांसाठी मी तशा भूमिका केल्या, देवाकडे प्रार्थना करायची की...' अभिनेत्रीने स्ट्रगलच्या दिवसांतील मांडली व्यथा
- Munawar Faruqui : 'बिग बॉस १७' विनर मुनव्वर फारुकीची प्रकृती बिघडली, रुग्णालयात उपचार सुरू; नेमकं काय झालं?
मनोरंजन
- Anant Ambani Wedding Budget : काय सांगता? अंबानींच्या एका लग्नाच्या बजेटमध्ये पाच सेलिब्रिटींचं लग्न; अनुष्का,दीपिका, प्रियंकाही पडल्या मागे
- बिग बॉस’ फेम अब्दु रोजिकने उरकला १९ वर्षीय अमीराशी साखरपुडा; आनंदाची बातमी देत शेअर केले खास फोटो
- राजकुमार रावच्या ‘श्रीकांत’ची जबरदस्त सुरुवात, कोण आहे ५०० कोटींची कंपनी उभारणारा नेत्रहीन उद्योजक? जाणून घ्या
- ‘महाराष्ट्राची हास्यजत्रा’पेक्षा निलेश साबळेच्या नव्या कार्यक्रमाला प्रेक्षकांच्या चांगला प्रतिसाद, टीआरपीच्या यादीत ‘या’ स्थानावर
विडियो गॅलेरी
देश विदेश
- Desh Videsh : इराणच्या इस्रायलवरील हल्ल्यानंतर कच्च्या तेलाच्या किंमतीत ३ टक्क्यांनी वाढ; भारतातही पेट्रोल-डिझेलचे दर वाढणार?
- Israel Hezbollah War Updates : इस्रायल-लेबनॉनचा संघर्ष चिघळला, हेझबोलाविरोधात आता जमिनीवरून हल्ले !
- Pakistani family in India: पाकिस्तानी कुटुंबानं ‘शर्मा’ नाव लावून बंगळुरूत केलं वास्तव्य; ‘असं’ फुटलं बिंग
- MP Road Accident: भयंकर! भरधाव बस दगड भरलेल्या डंपरमध्ये घुसली, ९ जण ठार; जेसीबीने पत्रा कापून मृतदेह काढले बाहेर