अजित पवार यांच्या अपघातवर नवे पुरावे समोर? Rohit Pawar यांची महत्त्वाची पत्रकार परिषद

Rohit Pawar statement on crash probe : अजित पवार यांच्या विमान अपघाताच्या प्रकरणाला आता नवे वळण मिळताना दिसत आहे. या संदर्भात आमदार रोहित पवार यांनी पत्रकार परिषद घेऊन तपासाच्या गतीवर प्रश्नचिन्ह उपस्थित केले असून काही महत्त्वाचे दावे केले आहेत. रोहित पवार यांनी स्पष्ट केले की, तपास यंत्रणांच्या कामावर त्यांचा आक्षेप नाही, मात्र ज्या गतीने हा तपास सुरू आहे त्या 'स्पीड'वर त्यांनी आक्षेप नोंदवला आहे. पत्रकार परिषदांमुळे या प्रकरणाच्या तपासाला जोर आला असल्याचेही त्यांनी नमूद केले.

रोहित पवार यांच्या दाव्यानुसार, दिल्लीत पत्रकार परिषद झाल्यानंतर दुसऱ्याच दिवशी नागरी विमान वाहतूक संचालनालयाचे (DGCA) अधिकारी खाजगी विमानाने बारामतीला पोहोचले आहेत. यामुळे या प्रकरणाच्या तपासाला आता खऱ्या अर्थाने गती प्राप्त झाली असल्याचे चित्र दिसत आहे.