पुणे : रस्त्यावर येऊच नका जर असं कोणाला सांगितले तर गणेशोत्सव, नवरात्री, दहीहंडीचं काय करायचं?; राज ठाकरेंना ब्राह्मण महासंघाचा सवाल

“तसेच दुसरं त्यांनी असं ही वक्तव्य केले की जर त्यांनी नमाज प्रकरण बंद नाही झालं तर आम्ही सुधा बंद करू. याच्या सारखं चुकीच विधान नाही. आपण आपले सण उत्सव हजारो वर्षाची परंपरा बंद का करावी?,” असा सवाल देखील दवे यांनी उपस्थित केला.

“भोंगे हे केवळ मशिदी वरील काढले जातील का? नाही. भोंगे हे केवळ मशिदींवर असतातच असे नाही. सगळे भोंगे काढले जातील. हिंदूंचे प्रत्येक गावात सण, यात्रा, जयंती असतात. त्यावेळी डीजे असतात. त्यावर देखील बंदी येईल. बाबासाहेब आंबेडकर यांची जयंती असते. ती जयंती पाच दिवस अनेक ठिकाणी चालते. त्यावेळी देखील मोठ्या प्रमाणावर स्पिकर लावले जातात. त्यामुळे यावर देखील बंदी येईल. यावर काय करायचं?,” असा प्रश्न असल्याचं दवे म्हणाले.

“त्यामुळे आपल्या अनेक सणांचा प्रश्न निर्माण होईल. नमाज रस्त्यावर म्हणणे हे चुकीचे आहे. ही भूमिका आज देखील हिंदू महासभेची आहे. रस्त्यावर येऊच नका जर असं कोणाला सांगितले तर गणपतीमध्ये मांडव घालून जी आरती केली जाते त्यावर देखील बंधनं येऊ शकतात, दहीहंडी, नवरात्री, दाहीहंडी यांचं काय करायच? हे प्रश्न निर्माण होतील. त्यामुळे हा प्रश्न सोडविताना हिंदूना धूर्तपणे पुढे जावे लागणार आहे,’ असं दवे म्हणाले. तसेच ‘ओल्यासोबत सुकेदेखील जळू नये’, त्यांच्या धर्मांधतेला आपण कायद्यात अडकवू नये,अशी भूमिका असल्याचे दवे यांनी सांगितले.