BSF Jawan Sudhir Thorat : मध्य प्रदेशात पुण्यातील जवानाला वीरमरण: आंबेगावात शासकीय इतमामात भावपूर्ण निरोप

पुणे : ग्वाल्हेर येथे हाेणा-या घोडेस्वारीच्या आंतरराष्ट्रीय स्पर्धेसाठी सराव करणा-या जवान सुधीर पंढरीनाथ थोरात (वय ३२) यांना वीरमरण आले आहे. रविवारी त्यांचे घोड्यावरून पडून घोड्याची टाप त्यांच्या डोक्‍याला लागल्याने त्यांचे निधन झाल्याचे अधिका-यांनी सांगितले. त्यांना आज (मंगळवार) गावी शासकीय इतमामात भावपुर्ण निराेप देण्यात आला.

जवान सुधीर थोरात हे पुण्यातील आंबेगाव तालुक्यातील लौकी येथील रहिवासी हाेत. सन २०१४ पासून ते सीमा सुरक्षा दल कार्यरत होते. त्यांना घोडस्वारीत अनेक सुवर्णपदके मिळालेली आहेत. घोडेस्वारीच्या आंतररराष्ट्रीय स्पर्धेसाठी त्यांचा सराव सुरु हाेता.

या सरावादरम्यान त्यांचा मृत्यू झाला. सुधीर हे अचानक गेल्याने त्यांच्या कुटुंबासह संपूर्ण गावावर शोककळा पसरली आहे. आज त्यांच्यावर शासकीय इतमामात अंत्यसंस्कार करण्यात आले. यावेळी मोठा जनसागर लाेटला हाेता.