नाशिक : वर्षाच्या पहिल्याच दिवशी नाशिकमध्ये अग्नितांडव; जिंदाल कंपनीला भीषण आग

नाशिकच्या जिल्हा रुग्णालयात डॉक्टरांचे एक पथक, स्ट्रेचर, वार्ड बॉय देखील तयार केले आहे. जिल्हा रुग्णालय वैद्यकीय सेवा पुरवण्यासाठी सज्ज असल्याची माहिती शल्यचिकित्सक अशोक थोरात यांनी दिली आहे.

नाशिक मुंबई महामार्गावर गोंदे या गावाजवळ जिंदाल कंपनीचा प्लांट आहे. कंपनीत स्पोट झाला तेव्हा त्याची भीषणता इतकी होती की, आसपासच्या २० ते २५ गावांना मोठा आवाज ऐकू आला. कंपनीत साधारणता २००० कर्मचारी असल्याची माहिती मिळाली आहे. मुख्यमंत्री एकनाथ शिंदे देखील इगतपुरीला रवाना झाले आहेत. मिळालेल्या माहितीनुसार, जखमींना नाशिकच्या सुयश रुग्णालयात दाखल करण्यात आले आहे. यात आता पर्यंत ९ ते १० जखमींना सुयश रुग्णालयात दाखल करण्यात आले आहे.