दौंड येथील कुरकुंभ MIDCतून साडेपाच कोटींचे केमिकल चोरीला

कुरकुंभ : दौंड तालुक्यातील कुरकुंभ औद्योगिक वसाहतीतील इटर्निस फाईन केमिकल्स लिमिटेड कंपनीच्या कॅटॅलिस्ट रूममधून अज्ञात चोरट्याने अमेरिकन कंपनीकडून आलेले 20 किलो रोडिअम ऑन ॲल्युमिना नावाचे एकूण 5 कोटी 47 लाख 20 हजार 345 रूपये किंमतीचे केमिकल चोरीला गेले असून यासंदर्भात दौंड पोलिसात गुन्हा दाखल झाल्याची माहिती पोलिसांनी दिली. दौंड पोलिसांनी इटर्निस फाईन केमिकल्स कंपनीच्यावतीने विष्णु बाजीराव डुबे ( रा.रक्षकनगर, गोल्ड, बिल्डींग नंबर बी-3 फलॅट नंबर 303, खराडी, पुणे ) यांनी दिलेल्या फिर्यादीवरून माहिती दिली. फिर्यादीमध्ये 24/12/2020 ते 06/01/2022 या कालावधीत कुरकुंभ औद्योगिक वसाहतीतील इटर्निस फाईन केमिकल्स लिमिटेड कंपनीच्या प्लाॅट नंबर डी/9/1,9/2,9/3 आणि डि/15 मधील कॅटॅलिस्ट रूममधून 24/12/2020 रोजी आलेले 1 कोटी 50 लाख 86 हजार 943 रूपये किंमतीचे 10 किलो आलेले जाॅनसन मॅथे नावाचे अमेरिकन कंपनीचे बाॅक्स त्याची एका किलोची किंमत 15 लाख 8 हजार 694 होती. तर 02/09/2021 रोजी आलेले रोडिअम ऑन ॲल्युमिना हे 10 किलो केमिकल त्याची किंमत 3 कोटी 96 लाख 33 हजार442 रूपये आहे. त्यांची प्रत्येक किलो किंमत रूपये 39 लाख63 हजार 344 रूपये प्रमाणे होती. ते जाॅनसन मॅथे नावाचे अमेरिकन कंपनीचे बाॅक्स होते. दोन्ही मिळून एकूण 5 कोटी 47 लाख 20 हजार 385 रूपये किंमतीची चोरी झाली. याप्रकरणी कंपनीच्यावतीने बुधवारी ( ता. 16 ) रात्री उशिरा गुन्हा दाखल करण्यात आला आहे. पोलिसांनी याप्रकरणी अज्ञात चोरटयाविरूध्द गुन्हा दाखल केला आहे. गुन्ह्याचा पुढील तपास पोलिस निरीक्षक विनोद घुगे यांच्या मार्गदर्शनाखालील उपनिरीक्षक सुशिल लोंढे करीत आहेत.