डोनाल्ड ट्रम्प यांना सर्वात मोठा हादरा, बलाढ्य देश इराणच्या बाजुने थेट मैदानात, आता अमेरिकेनं हल्ला केला तर…

अमेरिका आणि इराणमधील संघर्ष आता शिगेला पोहोचला आहे. अमेरिका कोणत्याही क्षणी इराणवर हल्ला करू शकते अशी परिस्थिती आहे. तर दुसरीकडे जर आमच्यावर एक जरी हल्ला झाला तर आम्ही याला आमच्या विरोधात सुरू केलेलं युद्ध मानू आणि आम्ही मध्य पूर्वेतील अमेरिकेच्या सर्व सैन्यतळांवर हल्ले करू अशी धमकी इराणकडून अमेरिकेला देण्यात आली आहे. दरम्यान अमेरिकेने आपल्या दोन सर्वात शक्तिशाली विमानवाहू युद्धनौका मध्य पूर्वेच्या समुद्रात तैनात केल्या आहेत. यामुळे मध्य पूर्वेत तणाव वाढला आहे. जर अमेरिका आणि इराणमध्ये युद्ध सुरूच झालंच तर त्याचा मोठा फटका हा कच्च्या तेलासाठी इराणवर अवलंबून असलेल्या अनेक देशांना बसणार आहे, यामध्ये भारताचा देखील समावेश आहे.

दरम्यान एक मोठी बातमी समोर येत आहे, यामुळे इराणसोबत युद्धाच्या तैयारीमध्ये असलेल्या अमेरिका आणि डोनाल्ड ट्रम्प यांना मोठा धक्का बसला आहे. आता रशिया इराणच्या मदतीला धावून आला आहे. समोर आलेल्या माहितीनुसार उत्तर हिंद महासागर आणि ओमानच्या समुद्रात रशिया व इराण हे संयुक्त युद्ध सराव करणार आहेत. यामुळे आता अमेरिकेचे राष्ट्रपती डोनाल्ड ट्रम्प यांचा चांगलाच जळफळाट झाला आहे, त्यामुळे हा वाद आणखी भडकण्याची शक्यता आहे. अमेरिकेने या भागात आधीच दोन सर्वात शक्तिशाली युद्धनौका तैनात केल्या आहेत, तसेच इराण आणि रशिया यांच्या संयुक्त युद्ध सरावाची बातमी समोर येताच अमेरिकेने गेल्या 24 तासांमध्ये 50 पेक्षा अधिक फायटर जेट देखील पाठवले आहेत. त्यामुळे आता तणाव वाढण्याची शक्यता आहे.

दरम्यान इराणी मीडियाने दिलेल्या माहितीनुसार इराण आणि रशिया गुरुवारी उत्तर हिंद महासागरात संयुक्त युद्ध सराव करणार आहेत. एका रिपोर्टनुसार यावर बोलताना इराणचे नेव्ही कमांडर हसन मघसूदलू यांनी म्हटलं आहे की, या संयुक्त युद्धसरावाचा उद्देश हा दोन्ही देशांमधील ताळमेळ वाढवण्याचा आहे. सोबतच समुद्री दहशतवाद नष्ट करण्याचा आहे. अमेरिका आणि रशियाच्या संबंधांमध्ये देखील सध्या मोठा तणाव आहे, तसेच अमेरिका आता इराणवर हल्ला करण्याच्या तयारीमध्ये आहे. अशा स्थितीमध्ये आता इराण आणि रशिया एकत्र आल्याचं पहायला मिळत आहे.