औरंगाबाद अपघात : कन्नड रोडवर टेम्पोची दुचाकीला धडक; दुचाकीस्वाराचा जागीच मृत्यू

औरंगाबाद: सिल्लोड तालुक्यातील सिल्लोड कन्नड रोडवर बोरगाव बाजार येथील पूर्णा नदीवरील पुलाजवळ भीषण अपघात झाला आहेत. कन्नडकडून भरधाव  येणार्‍या आयशर टेम्पोने दुचाकीलाजोरदार धडक दिली. यात समाधान अशोक देवरे वय 30 राहणार जामडी ता. कन्नड या तरुणाचा जागेवरच मृत्यू झाला. ही घटना काल, रविवारी सायंकाळी साडेसात वाजेच्या सुमारास घडली. 

मिरचीने भरलेल्या लोडींग आयशर टेम्पो हा कन्नडच्या दिशेकडून भरधाव वेगाने सिल्लोडकडे जात असतांना समोरुन येत असलेल्या समाधान अशोक देवरे यांच्या दुचाकी गाडीला जोराची धडक दिली. धक्कादायक बाब म्हणजे आयशर टेम्पो चालकाने तरुणाच्या दुचाकीला धडक दिल्यानंतर दुचाकी टेम्पोला अडकून सुमारे 3 किलोमीटर पर्यंत घसरत नेली होती, या दुचाकी मुळे आय र टेम्पोची डिझेल टाकी फुटली असल्यामुळे आयशर टेम्पो चालकाने गाडी रोडवरच उभी करुन तो फरार झाला.