औरंगाबादच्या सभेआधी मनसेने बदलला झेंडा? चर्चांना उधाण

औरंगाबादमध्ये आज राज ठाकरे यांची बहुचर्चित आणि बहुप्रतिक्षित सभा होत आहे. अवघ्या काही तासांवर येऊन ठेपलेल्या या सभेच्या निमित्ताने एका वेगळ्याच विषयाची चर्चा होत आहे. हा विषय म्हणजे महाराष्ट्र नवनिर्माण सेनेचा झेंडा. त्यामुळे पक्षाने झेंडा बदलला की काय अशा चर्चांना उधाण आलं आहे.

राज ठाकरे यांच्या औरंगाबादमधल्या सभेच्या ठिकाणी लावण्यात आलेल्या झेंड्यांमध्ये काहीसा फरक दिसून आला आहे. या झेंड्यांमध्ये राजमुद्रेऐवजी मनसेचं चिन्ह असलेलं रेल्वे इंजिन आहे. हे पाहून राज ठाकरे आता पुन्हा झेंडा बदलणार का अशा चर्चांना उधाण आलं.