Maratha Aarakshan : मराठा आंदोलन पेटलं! बीडमध्ये आमदार संदीप क्षीरसागर यांच्या घराला लावली आग

Maratha Aarakshan : मराठा आरक्षणाच्या मागणीसाठी शांतेत सुरू झालेल्या आंदोलनाने आता उग्ररूप घेतलंय. आरक्षणाच्या मुद्द्यावरुन सरकार दोन्ही बाजुने कोंडीत सापडलंय. एका बाजुला सरकारमधील आमदार आणि खासदार आरक्षणाच्या समर्थनात राजीनामा देऊ लागले आहेत. दुसऱ्या बाजुला राज्यातील मराठा आंदोलक आक्रमक होत त्यांनी विविध ठिकाणी जाळपोळ केलीय. 

आमदार प्रकाश सोळंके यांच्या बंगल्यावर दगडफेक

बीडमध्ये राष्ट्रवादी काँग्रेस अजित पवार गटाचे आमदार प्रकाश सोळंके यांच्या बंगल्यावर दगडफेक आणि आवारातील वाहनांना आग लावण्याची घटना आधी घडली. त्यानंतर राज्यातील विविध भागात जाळपोळच्या घटना घडू लागल्या आहेत. सोळंके यांचे वाहन जाळल्यानंतर मराठा आंदोलकांनी माजलगाव येथील नगरपरिषदेची इमारत जाळली. दुसरीकडे औरंगाबद जिल्ह्यातील भाजप आमदार प्रशांत बंब यांच्या कार्यालयाची तोडफोड तेथील काही मराठा आंदोलांनी केलीय. राज्यातील मराठा आंदोलक संतप्त झालेले असताना मनोज जरांगे-पाटील यांनी आंदोलकांना शांतता राखण्याचा आणि शांततेत आंदोलन करण्याचं आवाहन केलं आहे.

Dharashiv Railway Station : मराठा आरक्षणासाठी धाराशिवमध्ये रेल रोको; रेल्वे रुळांवर झोपून आंदोलकांची घोषणाबाजी