Dombivli crime : पोलीस असल्याचे सांगत मुलीवर सामूहिक अत्याचार; घटनेने डोबिंवलीत खळबळ

Dombivli Crime : पोलीस असल्याचे सांगत अल्पवयीन मुलीवर सामूहिक बलात्कार प्रकरणी विष्णू नगर पोलिसांनी अवघ्या 30 तासात दोन्ही आरोपींना बेड्या ठोकल्या आहेत. आशिष गुप्ता आणि विष्णू भांडेकर अशी आरोपींची नावे आहेत. विशेष म्हणजे विष्णू भांडेकर हा सराईत गुन्हेगार आहे हे दोन्ही आरोपी ठाकुर्ली खाडी किनारी परिसरात नेहमीच जात होते. त्यांनी अशा काही घटना या आधी केल्यात का याचा तपास आता पोलीस करत आहेत. )

एका मित्रासोबत ठाकुर्ली स्टेशनजवळ असलेल्या ठाकुर्ली खाडी किनारा परिसरात फिरायला गेलेल्या अल्पवयीन मुलीवर पोलीस असल्याचे सांगत दोन जणांनी बलात्कार केल्याची घटना शुक्रवारी दुपारच्या सुमारास घडली होती. याप्रकरणी विष्णुनगर पोलीस ठाण्यात दोघा अज्ञातांविरोधात गुन्हा दाखल करण्यात आला होता.

दरम्यान या दोन्ही आरोपींनी पीडिता व तिच्या मित्राला आम्ही पोलिस आहोत असे सांगत घाबरवले.तुमच्याबद्दल तुमच्या पालकांना सांगितले जाणार असे धमकावले. पीडितेच्या मित्राला घटनास्थळावरून दूर नेत दोन्ही नराधमांनी या मुलीवर बलात्कार केला होता.

या दोन्ही आरोपींच्या शोधासाठी डीसीपी सचिन गुंजाळ ,एसीपी सुनील कुराडे वरिष्ठ पोलीस निरीक्षक पंढरीनाथ भालेराव यांच्या मार्गदर्शनाखाली पोलिसांची पाच पथके तैनात केली होती. पोलीस अधिकारी मोहन खंदारे ,पोलीस अधिकारी तारमळे ,पोलीस अधिकारी अविनाश वनवे यांचे पथक या दोन्ही आरोपींचा शोध घेत होते .

अवघ्या 30 तासात आशिष गुप्ता आणि विष्णू भांडेकर या दोन्ही आरोपींना बेड्या ठोकण्यात पोलिसांना यश आलंय. आरोपी आशिष गुप्ता याचं चहाचे दुकान असून विष्णू भांडेकर हा सराईत गुन्हेगार आहे .घटनास्थळी हे दोघे आरोपी नेहमी जात होते.

याआधी त्यांनी असे काही प्रकार केलेत का ? या तपास सुरू असल्याचे पोलिसांनी सांगितले. दरम्यान निर्जन स्थळी काही अनुचित प्रकार घडू शकतो त्यामुळे अशा निर्जनस्थळी जाणं टाळावं असं पोलिसांनी केलं आहे.