ZP Election Result 2026 | विजयानंतर राम सातपुते यांच्या पत्नी संस्कृती सातपुते यांची पहिली प्रतिक्रिया

भाजपच्या उमेदवार संस्कृती सातपुते यांचा विजय झाला आहे. भाजपचे आमदार राम सातपुते यांच्या त्या पत्नी आहेत. आपल्या विजयानंतर संस्कृती सातपुते यांनी आपली प्रतिक्रिया व्यक्त करताना सांगितले की ‘हा विजय मी कार्यकर्ते आणि जनतेला समर्पित करते’. त्यांचा असा विश्वास आहे की हा फक्त एका पक्षाचा विजय नाही, तर सर्वसाधारण जनतेचा विजय आहे. संस्कृती सातपुते म्हणाल्या की, ‘निवडणुकीपूर्वी विरोधकांकडून भाजपचा सूपडा साफ होईल, असे वक्तव्य केले जात होते. पण आता निकाल येऊन विरोधकांचा सूपडा साफ झाला आहे’. मतदारांनी भाजपवर विश्वास दाखवला आहे आणि विरोधकांना त्यांची जागा दाखवून दिली. त्यांनी विरोधकांना थेट आवाहन करत म्हटले की, “भाजपला संपवणारा अजून जन्माला यायचाय,” यावरून स्पष्ट होते की सातपुते यांनी विजयाचा आत्मविश्वास आणि पक्षाच्या ताकदीवर भर दिला आहे.