Weather Update : गारठा वाढला! महाराष्ट्रात थंडी पुन्हा परतली, जानवारी ते मार्चदरम्यान देशात सरासरी पाऊस; आज कुठे कसं हवामान?

Weather Update : गेल्या काही दिवसांपासून गायब झालेली थंडी पुन्हा परतली आहे. राज्यात आता पुन्हा थंडीचा कडाका वाढू लागला आहे. हवामान खात्याने दिलेल्या अंदाजानुसार, जानेवारी ते मार्च या तीन महिन्यांच्या कालावधीमध्ये देशाच्या बहुतांशी भागात सरासरी इतका पाऊस (८८ ते ११२ टक्के) पडण्याची शक्यता आहे.

नवीन तयार झालेल्या वेस्टर्नस डिस्टर्बन्समुळे सध्या जम्मू-काश्मीर आणि त्यालगत उत्तर पाकिस्तानमध्ये चक्राकार वारे वाहत आहेत. त्यामुळे राज्यातील हवामानात देखील बदल जाणवू लागले आहे.

Santosh Deshmukh Case : वाल्मिक कराड अटकेत, सुदर्शन घुले देशाबाहेर पसार? शेवटचं लोकेशन आलं समोर

जानेवारी महिन्यात वायव्य भारताचा पूर्व भाग, मध्य भारताचा उत्तर भाग आणि पूर्व भारताचा काही भाग वगळता देशाच्या बहुतांशी भागात किमान तापमान सरासरीपेक्षा अधिक राहण्याची शक्यता आहे. मागील काही दिवसांपासून राज्यातील थंडी गायब झाली होती. राज्यात ढगाळ वातावरण आणि अवकाळी पावसाला पोषक परिस्थिती होती. राज्यात अवकाळी पावसामुळे शेतकऱ्यांचे मोठे नुकसान झाले.