Vastu Shastra : पती, पत्नीचे सतत भांडणं होतायेत? मग घरात लावा या पक्ष्याचा फोटो, सर्व समस्या होतील दूर

वास्तुशास्त्रामध्ये काही झाडं, प्राणी आणि पक्षी यांना शुभ मानलं गेलं आहे. या झाडांचा, प्राण्यांचा आणि पक्ष्याचा फोटो घरात लावण्याचा सल्ला वास्तुशास्त्रात देण्यात आला आहे. वास्तुशास्त्रानुसार काही मूर्ती किंवा फोटो घरात ठेवणं हे अतिशय शुभ असतं. यामुळे घराची आर्थिक प्रगती होते, कुटुंबप्रमुखाला प्रगतीच्या नव्या संधी उपलब्ध होतात. तसेच घरात काही कारणांमुळे जर वाद विवाद सुरू असतील तर ही स्थिती दूर होऊन घरात शांतता राहते, घरात नेहमी सकारात्मक ऊर्जेचा संचार होतो. नकारात्मक ऊर्जा दूर होते, जसं की वास्तुशास्त्रामध्ये तुळशीचं झाडं हे अतिश्य शुभ मानण्यात आलं आहे. तर दुसरीकडे काही फोटो किंवा मूर्ती अशाही असतात ज्या वास्तुशास्त्रामध्ये अशुभ माण्यात आल्या आहेत, जर हे फोटो घरात लावले तर त्यामुळे घरात आर्थिक समस्या निर्माण होतात, घरात काहीही कारण नसताना वादविवाद सुरू होतात, घर अशांत बनते. आज आपण अशा दोन फोटोंबद्दल माहिती जाणून घेणार आहोत, ज्यांना वास्तुशास्त्रामध्ये अत्यंत शुभ मानलं गेलं आहे. या फोटोंमुळे दाम्पत्य जीवनात प्रेम वाढून, पती-पत्नीमधील वाद दूर होतात. तसेच घराला आर्थिक स्थैर्य प्राप्त होते.

लव्ह बर्ड – लव्ह बर्डचा फोटो हा वास्तुशास्त्रामध्ये अत्यंत शुभ मानला गेला आहे. घरात वास्तुदोष निर्माण झाल्यास काहीही कारण नसताना अनेकदा पती-पत्नीमध्ये वाद होतात. सतत सुरू असलेल्या भांडणामुळे घर अशांत बनते. त्याचा परिणाम हा त्या घरातील सर्व सदस्यांवर होतो. वास्तुदोष दूर करण्यासाठी वास्तुशास्त्रामध्ये अत्यंत सोपा उपाय सांगण्यात आला आहे. जर पती-पत्नीमध्ये सतत भांडणं होत असतील तर तुमच्या घराच्या बेडरूममध्ये लव्ह बर्डचा फोटो लावण्याचा सल्ला वास्तुशास्त्रात देण्यात आला आहे. लव्ह बर्डचा फोटो लावताना फक्त एक काळजी घ्यावी ती म्हणजे हा फोटो पूर्व, पश्चिम किंवा उत्तर अशा कोणत्याही दिशेला लावला तरी चालतो, मात्र दक्षिण दिशेला हा फोटो असू नये.

फिनिक्स पक्षी – हा पक्षी पूर्णपणे काल्पनिक आहे. मात्र तरी देखील या पक्ष्याला धन, धान्य संपत्ती आणि समृद्धीचं प्रतिक मानलं जातं. जर घरात काही आर्थिक समस्या सुरू असतील तर या पक्ष्याचा फोटो हा आपल्या घरात लावण्याचा सल्ला वास्त्तुशास्त्रामध्ये देण्यात आला आहे. या फोटोमुळे तुमच्या घरातील सर्व नकारात्मक ऊर्जा नष्ट होऊन, त्याची जागा सकारात्मक ऊर्जा घेते. प्रगतीच्या नवीन संधी प्राप्त होतात, असं वास्तुशास्त्रामध्ये म्हटलं आहे.

(डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)