Ulhasnagar News : उल्हासनगरमध्ये मनसे कार्यकर्ते आणि पोलिसांत झटापट, 29 जणांना घेतलं ताब्यात

Ulhasnagar News : आस्थापनावरील मराठी पाट्यांची ताेडफाेड करण्यासाठी गेलेल्या महाराष्ट्र नवनिर्माण सेनेच्या कार्यकर्त्यांना उल्हासनगर  येथे पाेलिसांनी ताब्यात घेतले. मनसे कार्यकर्त्यांच्या आक्रमकतेमुळे पाेलिसांशी झटापट देखील झाली.

उल्हासनगर मध्ये आज (शनिवार) मराठी पाट्यांच्या विरोधात महाराष्ट्र नवनिर्माण सेना शहराध्यक्ष संजय घुगे यांच्या नेतृत्वाखाली आंदोलन करण्यात येणार होते. या आंदाेलनाच्या पार्श्वभूमीवर पोलीसांनी माेठा बंदोबस्त ठेवला हाेता.

Ajit Pawar : 'शपथ खरी करुन दाखवली...' मराठा आरक्षणाच्या निर्णयावर अजित पवारांची पहिली प्रतिक्रिया

इंग्रजी पाट्यांची तोडफोड करण्यासाठी गेलेल्या मनसे कार्यकर्त्यांना पोलिसांनी अडवले. त्यानंतर मनसे कार्यकर्त्यांनी छत्रपती शिवाजी चौकात ठिय्या मांडला. या आंदोलनानंतर पोलिसांनी मनसे कार्यकर्त्यांना ताब्यात घेतले.

यावेळी मनसे कार्यकर्ते आणि पोलिसांची झटापट झाली. 29 मनसैनिकांना पोलिसांनी ताब्यात घेतले. या सर्वांना मध्यवर्ती पोलीस ठाण्यात स्थानबद्ध करण्यात आले आहे. मनसे कार्यकर्त्यांनी कायदा हातात घेऊ नये असे आवाहन पाेलिसांनी केले आहे.