Talathi Bharti Exam : तलाठी भरती परीक्षेत ४८ उमेदारांना २०० पेक्षा जास्त गुण कसे मिळाले? महसूल खात्याने दिलं स्पष्टीकरण

'टीसीएसने घेतली परीक्षा'

'तलाठी भरती परीक्षा टीसीएसमार्फत घेण्यात आली होती. ही तलाठी भरती परीक्षा तब्बल ८ लाख ६४ हजार ९६० उमेदवारांनी दिली. काठिण्य पातळीच्या माध्यमातून समानीकरण करण्याच्या पद्धतीमुळे उमेदवारांचे गुण वाढले आहेत, असं स्पष्टीकरण परीक्षा समनव्यकांनी प्रसिद्धीपत्रकात म्हटलं आहे.

'ही भरती प्रक्रिया वेगवेगळ्या टप्प्यांमध्ये आणि वेगवेगळ्या शिफ्टमध्ये झाली आहे. त्यामुळे काही शिफ्टची परीक्षा सोपी आहे. तर काहींची अवघड आहे. तर काहींची कमी अधिक प्रमाणात प्रश्नांची काठिण्य पातळी बदलेली असते. त्यामुळे समानीकरण केलं जातं. ही प्रक्रिया अनेक शासकीय परीक्षांमध्ये राबवली जाते. त्यामुळे अवघड पेपर गेलेल्या उमेदवारांना न्याय मिळतो. तसेच समान गुण असलेल्यांच्या गुणांमध्ये तफावत निर्माण होते. त्यामुळे निवड प्रक्रिया सोपी जाते, असेही त्यांनी म्हटलं आहे.