T20 World Cup : अभिषेक शर्माची वर्ल्डकपमधून सुट्टी? सूर्यकुमार यादवच्या वक्तव्यानं चर्चेला जबरदस्त तडका

सूर्यकुमार यादव खंबीरपणे अभिषेकच्या पाठिशी असल्याचे दिसून आले. हा सांघिक खेळ आहे. प्रत्येक खेळाडूच्या कारकिर्दीत असा टप्पा येत असतो. मागील वर्षी अभिषेकनं संघाला सावरलं होतं. यावेळी तो धावा करत नसला तरी, आम्ही त्याच्यासाठी धावा करू, असं सूर्यकुमार म्हणाला.

अभिषेक शर्मा यानं मागील तीन सामन्यांत खातंही उघडलं नाही. तसेच आजारी असल्यानं एका सामन्यात तो खेळू शकला नव्हता. सुपर ८ मध्ये टीम इंडियाच्या अंतिम ११ खेळाडूंमध्ये त्याला संधी मिळू शकणार नाही, अशी चर्चा सुरू झाली. मात्र, सूर्यकुमार यादवनं त्या चर्चेला पूर्णविराम दिला आहे. त्यामुळे अभिषेक शर्मा सुपर ८ मध्ये खेळणार असल्याचे स्पष्ट झाले आहे.