SSC Exam : दहावीचा पेपर सुरू असताना शिक्षकांमध्येच राडा; गुरूजी गंभीर जखमी, नेमकं काय झालं?

पराग ढोबळे, नागपूर प्रतिनिधी

Nagpur school teacher assault during SSC exam : राज्यात आजपासून दहावी बोर्डाच्या परीक्षेला सुरूवात झाली आहे. १६ लाख विद्यार्थी परीक्षेला बसणार आहेत. दहावीच्या पेपरच्या पहिल्याच दिवशी नागपूरमध्ये हाणामारीची घटना घडली आहे. पेपर सुरू असताना एका शिक्षकाने दुसऱ्या शिक्षकाला बेदम मारल्याचा प्रकार उपराजधानी नागपूरमध्ये घडला आहे. नागपूरमधील किदवई हायस्कूल अँड ज्युनियर कॉलेज मध्ये या हल्ल्याची घटना घडली आहे. यामध्ये मुख्याध्यापक आणि एक शिक्षक गंभीर जखमी झाला आहेत. त्यांच्यावर जवळच्या रूग्णालयात उपचार सुरू आहेत.