सोलापूर : तिरुपतीला देवदर्शनासाठी गेले, वाटेतच मृत्यूने गाठलं; भीषण अपघातात ४ भाविकांचा मृत्यू

सोलापूरातून अपघाताची मोठं वृत्त हाती आलं आहे. सोलापुरातून तिरुपतीला देवदर्शनासाठी गेलेल्या भाविकांच्या वानाला अपघात झाल्याची घटना घडली आहे. या अपघातात ४ भाविकांचा मृत्यू झाला आहे. या भीषण अपघातात ४ जणांचा जागीच मृत्यू तर ४ जण गंभीर जखमी झाले आहेत. जखमी भाविकांना उपचारासाठी रुग्णालयात दाखल करण्यात आले आहे. 

मिळालेल्या माहितीनुसार सोलापुरातील भाविक तिरुपतीला देवदर्शनासाठी निघाले होते.यावेळी तिरुपती बालाजीचे दर्शन घेऊन परतत असताना रस्ता दुभाजकाला धडकून अपघात झाला.

तिरुपती जिल्ह्यातील नायडू पेठ ते उथलपट्टू रोडवरील चंद्रगिरीमंडळमध्ये अपघात झाला. या अपघातात 4 जणांचा जागीच मृत्यू तर 4 जण गंभीर जखमी झाला आहे.अपघातातील मृत आणि सर्व गंभीर जखमी सोलापूर परिसरातील रहिवाशी असल्याची प्राथमिक माहिती मिळाली आहे. या अपघातातील जखमींना तिरुपती रुइया रुग्णालयामध्ये दाखल करण्यात आले आहे. या प्रकरणी चंद्रगिरी पोलिसांनी गुन्हा दाखल केला आहे. या प्रकरणाचा पुढील तपास सुरु आहे.