Shivsena-VBA Alliance : शिवशक्ती-भिमशक्ती एकत्र! पत्रकार परिषदेत ठरलं! आगामी निवडणुका एकत्र लढणार

Shivsena-VBA Alliance: : गेल्या काही दिवसात ज्या युतीची चर्चा राज्यात सुरु होती, त्या शिवसेना आणि वंचित बहुजन आघाडीच्या युतीची अधिकृत घोषणा आज करण्यात आली आहे. उद्धव ठाकरे आणि प्रकाश आंबेडकर यांनी संयुक्त पत्रकार परिषद घेत युतीची घोषणा केली आहे.

आज या ठिकाणी ऐतिहासिक घटना घडत आहे, याचे आपण साक्षीदार आहोत. अनेक दिवस चर्चा सुरु होती, अनेक बैठका झाल्या. जे संकट पुढे ठेपलं आहे यासाठी या युतीची घोषणा करत आहोत, असं म्हणत शिवसेना नेते सुभाष देसाई यांनी पत्रकार परिषदेची सुरुवात केली.

आज बाळासाहेब ठाकरे यांचा जन्मदिवस आहे. या दिवशी पुढील वाटचाल करण्यासाठी येथे आम्ही एकत्र येत आहोत. सध्या जे राजकारण सुरु आहे त्यावर आघात करण्यासाठी जे जीवाला जीव देणारे सहकारी आहेत ते एकत्र आले आहेत. देशातील लोकशाही जिवंत ठेवण्यासाठी एकत्र येत आहोत, असं उद्धव ठाकरे यांनी म्हटलं.