Satara Politics : अजित पवार गटातील नेता शरद पवारांच्या भेटीला; निवडणुकीआधी साताऱ्यातील राजकीय समीकरणं बदलणार?

 

Satara Politics : ज्येष्ठ नेते खासदार शरद पवार हे आज (शुक्रवार) सातारा दाै-यावर आले आहेत. राष्ट्रवादी काॅंग्रेस शरदचंद्र पवार पक्षातील पदाधिकारी आणि कार्यकर्त्यांसमवेत पवार यांची बैठक सुरु आहे. या बैठकीपूर्वी पवार आणि उपमुख्यमंत्री अजित पवार गटाचे नेते माजी आमदार प्रभाकर घार्गे यांची चर्चा झाली. या चर्चेचा तपशील मात्र समजू शकला नाही. 

सातारा लोकसभा मतदारसंघाच्या अनुषंगाने पवार यांची पदाधिकारी आणि कार्यकर्ते यांच्याशी महत्त्वाची चर्चा सुरु आहे. भविष्यात सातारा लोकसभा मतदारसंघातील परिस्थिती काय असेल याच्यावर देखील चर्चा करण्यात येत असल्याची माहिती सूत्रांनी दिली.

Nashik Rain News : नाशिकमध्ये अनेक जिल्ह्यांत बरसल्या पावसाच्या सरी; उकाड्यापासून नागरिकांना दिलासा

या बैठकीत खासदार श्रीनिवास पाटील यांच्यापेक्षा आमदार बाळासाहेब पाटील  यांना उमेदवारी मिळावी यासाठी बहुतांश कार्यकर्त्यांनी ज्येष्ठ नेते शरद पवार यांच्याकडे मागणी केल्याची माहिती सूत्रांकडून प्राप्त झाली आहे. काही कार्यकर्त्यांनी खूद्द खासदार शरद पवार यांनीच निवडणूक लढवावी असा आग्रह आजही धरला आहे.