Ram Mandir Inauguration : भारतातच नाही तर ब्रिटनच्या संसदेतही राममय वातावरण; गुंजला 'जय श्री राम' नारा,

Ram Mandir Inauguration : अयोध्येतील राम लल्लाच्या अभिषेकासाठी आता एक दिवस उरला आहेत. जसजसा रामलल्लाचा प्रतिष्ठापणा दिन जवळ येत आहे. रामभक्तांमध्येही आनंद वाढत आहे. देशात असो की परदेशात, सर्वत्र रामभक्तांमध्ये आनंद पाहायला मिळत आहे. लंडनमधील हाऊस ऑफ कॉमनमध्येही रामभक्तांचे भगवान श्रीरामांप्रती असलेले प्रेम दिसून आले.

युगपुरुष नावाचा कार्यक्रम सनातन संस्था यूकेने हाऊस ऑफ कॉमनमध्ये सादर केला होता. ज्यामध्ये रामाच्या अयोध्या नगरीची गाथा संगीताच्या माध्यमातून मांडण्यात आली. यावेळी लंडनमध्ये रेडिओ जॉकी म्हणून कार्यरत असलेल्या आणि मिथिलाचे प्रतिनिधित्व करणाऱ्या बेतिया येथील चंदा झा यांनी संगीताद्वारे राम गीत सादर केले.

Pune Metro : प्लॅटफॉर्मवर खेळताना मेट्रोच्या रुळावर पडला चिमुरडा; सुरक्षा रक्षकाच्या प्रसंगावधानाने वाचला जीव

यादरम्यान, हाऊस ऑफ कॉमनमध्ये बसलेल्या सर्व लोकांनी एकत्र गाणे गायले. मुलांनी भरतनाट्यमच्या माध्यमातून प्रभू रामाबद्दल सांगितले. या कार्यक्रमाला प्रमुख पाहुणे पद्मश्री ब्रिटीश खासदार श्री बॉब ब्लॅकमन हे देखील उपस्थित होते. त्यांनी भगवा वस्त्र परिधान करून जय श्री रामच्या घोषणा दिल्या. या कार्यक्रमाचा मुख्य उद्देश सनातन आणि हिंदुत्व धर्माचा प्रचार करणे हा आहे.

चंदा झा म्हणाल्या की, लंडनमधील हाउस ऑफ कॉमनमध्ये रामाचे भजन गाऊन संपूर्ण वातावरण रामाने भरून गेले. रामाचे नाव सर्वांच्या ओठावर होते आणि त्यांनी गायलेल्या गाण्यावर सर्वजण नाचत होते. सर्वजण त्याच्या आवाजात सहभागी झाले.