Irshalgad Landslide : इर्शाळवाडी दरड दुर्घटनेत ३ सख्ख्या भावंडांचा मृत्यू; कुटुंबातील इतर सदस्यांचाही शोध लागेना!

बुधवारी सांयकाळी सहाच्या सुमारास ते नेहमीप्रमाणे परतले होते. मात्र काळाने त्यांच्यासह कुटुंबातील सर्वांना ओढून नेले. त्यांच्या कुटुंबियांचा अजूनही शोध लागला नाही. तिरकड कुटुंबिय सुखरूप बाहेर निघावे, अशी आम्ही प्रार्थना करतो, असंही शेजारील नागरिक म्हणाले.

बचावपथकाकडून शोधकार्य सुरूच

दरम्यान, इर्शाळवाडी दरड दुर्घटनेत आतापर्यंत १७ जणांचा मृत्यू झाल्याची माहिती आहे. तर अजूनही अजूनही ढिगाऱ्याखाली काही लोक अडकल्याची भीती आहे. या गावातील १५० लोकांचा अजूनही शोध लागत नसल्याने हे लोक ढिगाऱ्याखाली दबले तर नाही ना? अशी भीती व्यक्त केली जात आहे. त्यामुळे या ठिकाणी युद्धपातळीवर शोधकार्य हाती घेण्यात आलं असून ढिगारा उपसण्याचं काम सुरू आहे.