Raigad Accident : मुंबई पुणे एक्सप्रेस वेवर भीषण अपघात; लेन बदलताना टॅंकर कोलमडला, ट्रक आणि कारला धडक, १ ठार

Raigad Accident : रायगड जिल्ह्यातून एक भीषण अपघाताची घटना समोर आली आहे. मुंबई पुणे एक्सप्रेस वेवर तीन वाहनाचा विचित्र अपघात झाला आहे. या अपघातामध्ये एकजण जागीच ठार झाल्याची माहिती मिळत आहे. या अपघातामध्ये वाहनांचे मोठे नुकसान झाले आहे. कारमधील दोन व्यक्ती या अपघातामध्ये बचावले आहेत. मुंबई पुणे एक्सप्रेस वेवर झालेल्या अपघातात एका जणाचा मृत्यू झाला आहे. 

अपघातामध्ये कारचा चक्काचुर झालाय. पण कारमधील दोन जण बचावले आहेत. एक दूध टॅंकर पुण्याहून मुंबईकडे येत होता. दूध टँकर खोपोली हद्दीत बोर घाट उतरताना लेन बदलत  होता. तेव्हा महामार्गावर टँकर कलंडला आणि अपघात झाला. या अपघातग्रस्त टॅंकरने कार आणि ट्रकला जोरदार धडक दिली. यामध्ये कारचं मोठ्या प्रमाणात नुकसान झालं आहे.

Manoj Jarange Patil : अंतरवाली सराटीत उत्साहाचं वातावरण; मनोज जरांगे पाटलांनी केली कार्यकर्त्यांसोबत रंगपंचमी साजरी

यावेळी टँकरमधील दुध रस्त्यावर सांडलं होतं. अपघातग्रस्त वाहन रस्तावर असल्याने मुंबई लेनवरील वाहतुक बराच काळ बंद होती. अपघातग्रस्त दूध टँकरचा चालकाचा या अपघातात मृत्यु झालाआहे. खोपोली पोलीस, महामार्ग पोलीस, आयआरबी यंत्रणा आणि अपघातग्रस्तांच्या मदतीसाठी टिमने त्वरित बचाव कार्य सुरू केलं आहे. दुपारी बारा वाजेच्या सुमारास ही अपघाताची घटना घडली आहे.

अपघातग्रस्त वाहनांना बाजुला करीत इतर वाहनांना रस्ता मोकळा करून दिला आहे. त्यामुळे आता मुंबई पुणे एक्सप्रेस वेवरील वाहतूक सुरळीत झाली आहे. तीन वाहनांचाअपघात झाला आहे. या अपघातात एका व्यक्तीचा मृत्यू झाला (Mumbai Pune Expressway) आहे. टॅंकर लेन बदलत असताना त्याने कार आणि ट्रकला धडक दिली आहे.