Raigad Accident : रायगडमध्ये २ एसटी बसची समोरासमोर धडक, चालकांसह १५ ते २० प्रवासी जखमी

मिळालेल्या माहितीनुसार, अलिबाग ते रेवदंडा मार्गावर दोन एसटी बसला अपघात झाला. नवेदर बेली येथील वळणावर दोन्ही बसची समोरासमोर धडक झाली. हा अपघात इतका भीषण होता की यामध्ये दोन्ही एसटी बसचे चालक गंभीर जखमी झाले आहेत. तर एसटी बसमधील १५ ते २० प्रवासी किरकोळ जखमी झाले आहेत.

अपघाताची माहिती मिळताच रायगड पोलिसांनी घटनास्थळी धाव घेतली.स्थानिक नागरिकांच्या मदतीने पोलिसांनी जखमी प्रवाशांना बसमधून बाहेर काढले आणि उपचारासाठी जिल्हा रुग्णालयात दाखल केले. दोन्ही बसच्या चालकांची प्रकृती गंभीर आहे. तर इतर प्रवाशांना जास दुखापत झाली नाही पण त्यांच्यावर उपचार सुरू आहेत. या अपघातामध्ये दोन्ही बसचे मोठे नुकसान झाले आहे. अपघातामुळे महामार्गावर वाहतूक विस्कळीत झाली होती. रायगड पोलिस या अपघाताचा तपास करत आहेत.