Pune University Latest News : ललित कला केंद्र प्रमुख यांच्यासह ६ जणांना अटक; भाजप कार्यकर्त्यांनी कार्यालय फोडलं

Pune University Latest News : पुणे विद्यापीठात नाटकावरुन झालेल्या राड्यानंतर अखिल भारतीय  विद्यार्थी परिषदेच्या कार्यकर्ते आक्रमक झाले आहे. त्यांनी ललित कला केंद्राची तोडफोड केली आणि ललित कला केंद्राच्या बंद दरवाज्यावर शाईफेक करुन या कार्यकर्त्यांनी दरवाज्याच्या काचा फोडल्या. या सगळ्या प्रकारानंतर पोलिसांनी अभविपच्या कार्यकर्त्यांना ताब्यात घेतलं आहे. या ललित कला केंद्राच्या परिसरात सध्या मोठा पोलीस बंदोबस्त तैनात करण्यात आला आहे.

एकीकडे पुणे विद्यापीठात नाटकावरुन झालेल्या राड्यानंतर ललित कला केंद्राचे प्रमुख डॉ. प्रविण भोळे यांच्यासह  सहा जणांना नाटकाबाबत अटक करुन न्यायालयात हजर करण्यात आलं. न्यायालयाने सरकारी पक्षाची पोलीस कोठडीची मागणी फेटाळली आणि डॉ. प्रविण भोळे यांच्यासह आरोपी असलेल्या पाच विद्यार्थ्यांना न्यायालयीन कोठडी सुनावली.  त्यामुळे आरोपींना जामीन मिळवण्यासाठी लगेच अर्ज करण्याची प्रक्रिया सुरु आहे. मात्र हे सगळं घडत असताना  ललित कला केंद्राच्या विद्यार्थ्यांना पाठिंबा देण्यासाठी ललित कला केंद्राच्या परिसरात मोर्चा आयोजित केला होता. या मोर्चामध्ये थेट अभविपचे कार्यकर्ते आले त्यामुळे या परिसरात तणावाचं वातावरण निर्माण झालं.