Pune : मोठी बातमी : पुणे पोर्शे अपघात प्रकरणात विशाल अग्रवालला सुप्रीम कोर्टाकडून दिलासा

Pune : पुण्यातून मोठी बातमी समोर आली आहे. १९ मे २०२४ रोजी पुण्यातील कल्याणीनगर भागात झालेल्या पोर्शे कार अपघात प्रकरणी मद्यप्राशन केलेल्या मुलाचे रक्ताचे नमुने बदलून विशाल अग्रवालने पुराव्यामध्ये छेडछाड केली होती. त्यानंतर २१ मे रोजी विशाल अग्रवाल याला पुणे पोलिसांनी छत्रपती संभाजीनगरमधून अटक करण्यात आली होती. मात्र आता सुप्रीम कोर्टाकडून विशाल अग्रवालला दिलासा मिळाला असून त्याला जामीन मिळाला आहे.

पुण्यात १९ मे २०२४ च्या रात्री पुण्यातील कोरेगाव पार्क परिसरात एका हाय-स्पीड पोर्शे कारने दुचाकीवरून जाणाऱ्या दोन इंजिनियरला धडक दिली होती. या धडकेत अश्विनी कोस्टा आणि अनिश अवधिया यांचा जागीच मृत्यृ झाला होता. अपघाताच्या वेळी गाडी चालवणारा तरूण हा १७ वर्षांचा होता असून तो दारू पिलेला होता.

त्यानंतर मद्यप्राशन केलेल्या मुलाचे रक्ताचे नमुने बदलण्यासाठी कारचालक आरोपी मुलाचा बाप असलेल्या विशाल अग्रवालने कारस्थान रचले होते. त्यामुळे, २१ मे २०२४ रोजी विशाल अग्रवाल याला पुणे पोलिसांनी छत्रपती संभाजीनगरमधून अटक केली होती.

रक्ताचे नमुने बदलल्याप्रकरणी डॉ.अजय तावरेंना देखील अटक करण्यात आली होती. १६ डिसेंबर रोजी त्यांचा जामीन सुद्धा न्यायालयाने फेटाळला होता. मात्र आता सुप्रीम कोर्टाकडून विशाल अग्रवालचा जामीन मंजूर करण्यात आला आहे.