Pune : सोसायटीतील सदस्याच्या पत्नीचा पॉर्नस्टार म्हणून उल्लेख, 140 जणांना पाठवला मेल, पुण्यातील धक्कादायक प्रकार

Pune News : पुण्यातील एका मोठ्या हाऊसिंग सोसायटीमध्ये एक धक्कादायक प्रकार समोर आला आहे. सोसायटीत राहण्याच्या एक सदस्याच्या पत्नीबाबत आक्षेपार्ह मेल इतर सभासदांना पाठवल्याने एकच खळबळ उडाली आहे.

सोसायटीमध्ये राहणाऱ्या एका सदस्याची पत्नी पॉर्नस्टार सारखी दिसते, असा मेल सोसायटीच्या 140 सदस्यांना करण्यात आला आहे. कोंढवा भागात असणाऱ्या सोसायटीमध्ये एका महिलेला पॅार्नस्टार म्हणून संबोधन करत विनयभंग करण्यात आला आहे.

Mumbai University Election : मुंबई विद्यापीठाची सिनेट निवडणूक अचानक स्थगित; रातोरात काढलं परिपत्रक

याप्रकरणी महिलेने कोंढवा पोलीस ठाण्यात फिर्याद दिली आहे. यावरून कोंढवा पोलिसांनी शेखर बाबूलाल धोत्रे या सदस्यावर गुन्हा दाखल केला आहे. पोलिसांनी दिलेल्या माहितीनुसार, फिर्यादी यांच्या सोसायटीमध्ये राहणाऱ्या आरोपी शेखर धोत्रे याने "**ची बायको पोर्न अॅक्ट्रेस सारखी दिसते", अशी अश्लील भाषा वापरत सोसायटीमधील 140 सदस्यांना मेल पाठवला आहे. 

फिर्यादी या संदर्भात जाब विचारण्यास गेले असता आरोपीने त्यांना धमकी दिली आणि जे करायचं ते कर असं धमकावले. हा सगळा प्रकार त्या महिलेने पोलिसांना सांगितला. त्यांनतर पोलिसांनी धोत्रे याच्यावर गुन्हा दाखल केला आहे.