Pune : पाषाण भागात टोळक्याकडून वाहनांची तोडफोड- चौघांविरुद्ध गु्न्हा

Pune : पाषाण भागातील संजयनगर परिसरात टोळक्याने तलवारी उगारुन दहशत माजविल्याची घटना घडली. टोळक्याने परिसरातील पाच दुचाकींची तोडफोड केली. याप्रकरणी चतु:शृंगी पोलिसांनी चौघांविरुद्ध गुन्हा दाखल केला असून, पसार झालेल्या आरोपीला अटक करण्यात आली. याबाबत चेतन शेषराव धान (वय २६, रा. संजयनगर, पाषाण) यांनी चतु:शृंगी पोलीस ठाण्यात फिर्याद दिली आहे. याप्रकरणी साहिल नागेश कसबे (वय १८) याला अटक करण्यात आली आहे.

याप्रकरणी त्याचे साथीदार आदित्य जगन्नाथ मानवतकर, ओंकार रतन मानवतकर, मंगेश जाधव यांच्याविरुद्ध गुन्हा दाखल करण्यात आला आहे. पोलिसांनी दिलेल्या माहितीनुसार, आरोपी कसबे, मानवतकर, जाधव यांचा संजयनगर परिसरातील काहीजणांशी वाद झाला होता. सोमवारी मध्यरात्री साडेबाराच्या सुमारास संजयनगर परिसारतील रहिवाासी झोपले होते. त्या वेळी आरोपी मानवतकर, कसबे, जाधव तलवारी घेऊन वसाहतीत शिरले. त्यांनी तलवारी उगारून परिसरात दहशत माजविली.

Sangram Thopate : पुण्यात काँग्रेसला खिंडार! संग्राम थोपटे आज शेकडो कार्यकर्त्यांसह 'कमळ' हाती घेणार

तक्रारदार चेतन धान यांनी घरासमोर लावलेल्या दुचाकीची तोडफोड केली, तसेच या परिसरातील चार दुचाकींची तोडफोड करुन पसार झाले. शिवीगाळ आणि तोडफोडीचा आवाज ऐकून रहिवासी झोपेतून जागे झाले. त्यांनी आरोपी कसबे याला पकडून पोलिसांच्या ताब्यात दिले. या घटनेची मााहिती मिळताच पोलिसांनी घटनास्थळी धाव घेतली. रहिवाशांनी आरोपी कसबे याला पकडून पोलिसांच्या ताब्यात दिले. पोलीस उपनिरीक्षक अंगद नेमाणे तपास करत आहेत.