Pune Koyata Gang : पुण्यात कोयता गँगचा हैदोस थांबता थांबेना; हाणामारीत दोन जण जखमी

चार पाच जण दुचाकीवरून हातात कोयते घेऊन आले. या टोळक्यात भीषण हाणामारी झाली. यावेळी हाणामारीसाठी सिमेंटच्या मोठया विटा, बांबू, कोयते, दांडूच्या सहाय्याने त्यांनी दोन व्यक्तींवर हल्ला केला. या घटनेत दोघेही जखमी झाले असून सध्या त्यांच्यावर जवळील रुग्णालयात उपचार सुरू आहेत.

घटनेची माहिती मिळताच सहाय्यक पोलीस निरीक्षक राजकुमार केंद्रे , तसेच त्यांचे सहकारी घटनास्थळी हजर झाले असून पुढील तपास सुरू आहे. जखमींना नेमके कोणत्या रुग्णालयात हलविण्यात आले याची माहिती समजू शकलेली नाही.