Pune ISIS Module Case : NIAची मोठी कारवाई! पुणे इसिस मॉड्युल प्रकरणात आठव्या संशयित दहशतवाद्याला अटक

Pune ISIS Module Case : पुणे इसिस मॉड्युल प्रकरणात एनआयएने आठव्या संशयित दहशतवाद्याला अटक केली आहे.आरोपी दहशतवादी संघटनेच्या कारवायांना प्रोत्साहन देण्यात सक्रिय सहभागी असल्याचे समोर आले आहे. महम्मद शाहनवाझ आलम (रा. न्यू महमूदा हाऊस, कटकमसंडी, हजारीबाग, झारखंड) असे अटक केलेल्या आरोपीचे नाव आहे.

पुणे इसिस मॉड्युल प्रकरणात यापूर्वी अटक करण्यात आलेल्या इतर आरोपींशी शाहनवाझ आलमचा थेट संबंध होता. शाहनवाझने बॉम्बस्फोट घडवून आणण्यासाठी विविध ठिकाणांचा शोध घेतला होता. तसेच, त्याने गोळीबार आणि स्फोट घडवून आणण्याबाबत आयोजित प्रशिक्षण शिबिरांमध्ये सक्रिय भूमिका बजावल्याचे तपासात समोर आले आहे.

Nandurbar Migration : नंदुरबार जिल्ह्यात स्थलांतराची गंभीर समस्या; पोटाची खळगी भरण्यासाठी भटकंती, मुलांचं नुकसान

विशेष बाब म्हणजे, कोथरूड परिसरात १९ जुलै २०२३ रोजी त्याला महम्मद इम्रान खान आणि महम्मद युनूस साकी यांच्यासह दुचाकी चोरीचा प्रयत्न करताना पुणे पोलिसांनी रंगेहात पकडले होते.त्यानंतर तो कोंढवा परिसरातून पोलिसांच्या तावडीतून पळून जाण्यात यशस्वी झाला होता.

त्यानंतर आरोपी इसिस दहशतवादी संघटनेचे सक्रिय कार्यकर्ते असल्याचे समोर आले.एनआयएने त्यांच्यावर १० लाखांचे बक्षीस जाहीर केले होते. या आरोपींनी इसिस दहशतवादी संघटनेच्या माध्यमातून देशातील शांतता आणि जातीय सलोखा बिघडविण्याचा कट रचला होता.