Pune Crime News : जादूटोणा करून अडीच कोटी रुपयांची फसवणूक; दोघांना अटक

पुणे : जादूटोणा करून एका व्यावसायिकाची सुमारे अडीच कोटी रुपयांची फसवणूक केल्याप्रकरणी समर्थ पोलिसांनी मुख्य आरोपीसह दोघांना कॅम्प परिसरातून अटक केली. न्यायालयाने आरोपींना पाच दिवसांची पोलिस कोठडी सुनावली आहे.

अब्दुल हुसैन हसनअली नईमाआबादी आणि सीमा अब्दुल हुसेन नईमाआबादी (रा. लष्कर) अशी अटक केलेल्या संशयितांची नावे आहेत. सीमा नईमाआबादी हिचा जामीन अटकपूर्व जामीन फेटाळल्यानंतर ते दोघेजण पसार झाले होते.

याबाबत शेख अब्दुल बासित अब्दुल लतीफ (रा. कोंढवा खुर्द) यांनी समर्थ पोलिस ठाण्यात फिर्याद दिली होती. त्यावरून नादीर अब्दुल हुसैन हसनअली नईमाआबादी (वय-४०), सीमा नादीर नईमाआबादी (वय-३५, दोघे रा. कॅम्प,पुणे), शोएब मैनुद्दीन अत्तार (वय-३५, रा. बोपोडी), माजीद उस्मान अत्तार (वय-५०, रा. बोपोडी), खालिद मैनुद्दीन अत्तार (वय-४०, रा. बोपोडी) आणि इरम शोएब अत्तार (वय-३२, रा. बोपोडी) या संशयितांविरुद्ध गुन्हा दाखल करण्यात आला होता.