Pune Crime : लहान भावाला मारलं म्हणून त्यांनी थेट त्याचं जीवन संपवलं; पुण्यातील थरारक घटना

Pune Crime : पुण्यातील पिंपरी चिंचवड आणि हिंजवडी परिसरात सातत्याने गुन्हेगारीच्या घटनांमध्ये वाढ होत आहे. पूर्ववैमनस्यातून आज देखील एक धक्कादायक घटना उघडकीस आली आहे. या घटनेमध्ये एका तरुणाची निघृण हत्या केलीये. पोलिसांनी या प्रकरणी आरोपीला ताब्यात घेतलं असून पुढील तपास सुरू आहे.

पोलिसांनी दिलेल्या अधिक माहितीनुसार, बारा वर्षाच्या लहान भावाला मारहाण केली म्हणून तीन तरुणांनी मिळून एका तरुणाला मारहाण करून त्याचा हत्या केला आहे. पिंपरी चिंचवड शहरातील हिंजवडी पोलीस स्टेशन हद्दीतील घटना घडली आहे.

Mumbai Crime : कोचिंग सेंटर चालवणाऱ्या तीन भावांकडून विद्यार्थीनीवर अत्याचार; मुंबईमधील खळबळजनक घटना

या घटनेत विकी उर्फ शुभम परिहार या 21 वर्षाच्या तरुणाचा मृत्यू झाला आहे. आरोपींनी हत्या केल्यानंतर शुभमचा मृतदेह मारुंजी येथील एका खदानीत टाकून दिला होता. त्यानंतर पोलिसांनी अग्निशमन दलाची मदत घेऊन शुभमचा मृतदेह मारुंजी येथील खदानीतून शोधून काढला आहे.

शुभम परिहारच्या खून प्रकरणात चिखली पोलिसांनी तीन आरोपींना बेड्या ठोकल्या आहेत. अटक करण्यात आलेल्या आरोपीं पैकी एका आरोपीच्या बारा वर्षाच्या लहान भावाला शुभमने 26 तारखेला मारहाण केली होती. त्याचाच बदला घेण्यासाठी शुभम परिहारचा खून करण्यात आला आहे. अशी माहिती पोलीस तपासात उघडकीस आलीये.

शुभम परिहारच्या कुटुंबियांना या बाबत माहिती मिळताच त्यांनी आक्रोश व्यक्त केला. तसेच या घटनेमुळे संपूर्ण परिसरात एकच खळबळ उडाली आहे. घडलेल्या घटनेवरून तरुणांमध्ये राग आणि बदला घेण्याची भावना किती तीव्र आहे हे लक्षात येते.