Pune Accident News : पुणे-नाशिक महामार्ग ओलांडताना कारची धडक; पाच महिलांचा मृत्यू , तिघी गंभीर

मिळालेल्या माहितीनुसार, एका लग्न कार्यात काम करण्यासाठी १७ ते १८ महिला स्वारगेटहून पीएमपीएमल बसने खेडला गेल्या होत्या. शिरोली फाट्याजवळ या सर्व महिला उतरल्या. पण, अंधारात मार्ग ओलंडताना यातील वयस्कर महिला चाचपडत होत्या. त्याचवेळी पुण्याच्या दिशेने आलेल्या कारने आठ महिलांना धडक दिली.

या भीषण अपघातात काही महिलांचा जागीच मृत्यू झाला. तर, रुग्णालयात उपचारासाठी दाखल केल्यानंतर काही महिलांचा मृत्यू झाला आहे. जखमी तीन महिलांवर रुग्णालयात उपचार सुरु आहेत. अपघातानंतर कार चालक पुन्हा पुण्याच्या दिशेने पसार झाला आहे. खेड पोलीस चालकाचा शोध घेत आहेत.