Pune : पुण्यात हिंदी-मराठी वाद पेटला, मनसे कार्यकर्त्यांनी एअरटेलच्या कर्मचाऱ्याला धू धू धुतला, नेमकं काय झालं?

 

Marathi-Hindi dispute, Pune : मुंबई, ठाण्यानंतर आता पुण्यातही मराठी-हिंदी वादाला तोंड फुटले आहे. मुंब्र्यामध्ये फळ विक्रेत्याबरोबर झालेल्या वादातून जमावाकडून मराठी तरुणाला माफी मागायला लावण्याचा संतापजनक प्रकार ताजा असतानाच आता पुण्यातील धक्कादायक प्रकार समोर आलाय. पुण्यात मराठी कर्मचाऱ्यावर अन्याय कऱण्यात आल्याचं समोर आलेय. एअरटेलच्या कार्यलयात हा प्रकार घडलाय. मनसे कार्यकर्त्यांनी मराठी माणसावर अन्याय करणाऱ्या एअरटेलच्य टीम लीडरला धू धू धुतलेय.

या मराठी पोरांच्या अन्यायाला काल मनसे स्टाईल वाचा फोडली आणि येत्या सोमवारी पोरांचे पगार करायला लावले आहेत. अन्यथा एकाच वेळी एकाच दिवशी स्वारगेट, वाकडेवाडी, खराडी येथील ३ एअरटेल ऑफिस फोडून टाकणार, असा अंतिम इशारा मनसे कडून राज्य सचिव आशिष साबळे पाटील यांनी दिला आहे.