Pune : हडपसर येथील ६१ वर्षीय रुग्णाला जुलाब, उलट्या आणि ताप अशी लक्षणे आढळून आली. उपचारांनंतरही ताप आणि जुलाब कमी होत नव्हता. त्यातच प्रकृतीत गुंतागुंत निर्माण झाल्याने अतिदक्षता विभागात दाखल केले. त्यानंतर रुग्ण बेशुद्ध होऊन कोमात गेल्याने नेमका कोणता आजार आहे, याचा शोध डॉक्टरांनी सुरू केला. डॉक्टरांच्या शोधमोहिमेतून रुग्णाला ‘झिका’मुळे मेंदूज्वर (झिका मेनिंगोएन्सेफलायटीस) झाल्याचे निदान झाले. डॉक्टरांच्या प्रयत्नांमुळे रुग्ण कोमातून बाहेर आला असून, आता प्रकृतीमध्ये सुधारणा होत आहे.
या घटनेमुळे ‘झिका’ विषाणूच्या संसर्गातून मेंदूज्वर आणि मेंदूशी निगडित आजार होऊ शकतात, असे समोर आले आहे. पुण्यात आढळून आलेला हा रुग्ण देशातील पहिलाच असण्याची शक्यता तज्ज्ञांनी वर्तवली आहे. ‘झिका’मुळे मेंदूज्वर होणे ही दुर्मीळ घटना आहे. ब्राझील आणि अमेरिका या देशांमध्ये पूर्वी असे रुग्ण आढळले आहेत. या देशांमध्येही अशा प्रकारचे रुग्ण आढळून येण्याचे प्रमाण दुर्मीळ असल्याचेही तज्ज्ञांनी सांगितले.
एकसष्ठवर्षीय पुरुषाला एक जुलैपासून ताप, जुलाब आदी लक्षणे दिसू लागली. त्यानंतर रुग्णावर हडपसर येथील नोबेल हॉस्पिटलमध्ये उपचार सुरू करण्यात आले. ताप कमी होत नसल्याने तीन जुलैला रुग्णालयात दाखल करण्यात आले. रुग्णाचे वय जास्त असल्याने आणि मधुमेह, रक्तदाब, थायरॉइड आदी सहव्याधी असल्याने प्रकृती चिंताजनक झाली. त्यामुळे रुग्णाला अतिदक्षता विभागामध्ये दाखल करून व्हेंटिलेटरवर उपचार सुरू करण्यात आले. रुग्णाला ‘झिका’ची लक्षणे असल्याचा संशय डॉक्टरांना आल्याने रक्त तपासणीसाठी राष्ट्रीय विषाणू विज्ञान संस्थेकडे (एनआयव्ही) पाठविण्यात आले. नमुने तपासणीसाठी पाठवले, त्याच दिवशी रुग्ण कोमात गेला.
|
‘एनआयव्ही’च्या अहवालात रुग्णाला ‘झिका’चे निदान झाले. त्यानंतर डॉक्टरांनी केलेल्या तपासण्यांमध्ये मेंदूज्वर, किडनीसह अन्य अवयवांवर परिणाम झाल्याचेही दिसून आले. मेंदूज्वर झाल्याने रुग्णाच्या पाठीत पाणी जमा झाले होते. पाठीतील पाणी काढून तपासणी करण्यात आली. यामध्येही रुग्णाला ‘झिका’चा संसर्ग झाल्यावर शिक्कामोर्तब झाले.
‘रुग्णाला स्टेरॉइड्स आणि व्हेंटिलेटरवर उपचार देण्यात आले. अतिदक्षता विभागात एक आठवडा उपचार केल्यानंतर रुग्ण कोमातून बाहेर आला. सध्या रुग्णाच्या प्रकृतीत सुधारणा होत आहे,’ अशी माहिती अतिदक्षता विभागाचे संचालक डॉ. झेड. ए. खान यांनी दिली.अतिदक्षता विभागातील डॉ. बाळासाहेब बांडे, न्यूरोलॉजिस्ट डॉ. पारस बोरसे, फिजिशियन डॉ. अपर्णा कोद्रे, डॉ. दिलीप माने आणि संसर्गरोग तज्ज्ञ अमित द्रविड यांनी रुग्णावर उपचार केले.
झिकातून मेंदूज्वर होणे ही दुर्मीळ घटना आहे. सध्या डेंगी आणि झिकाच्या रुग्णांची संख्या वाढत असल्याने प्रतिबंधात्मक उपाययोजना करणे आवश्यक आहे. लक्षणे असलेल्या गर्भवती महिलांसह सर्व वयोगटातील नागरिकांनी तपासणी करणे आवश्यक आहे. या एकसष्ठ वर्षीय रुग्णाला सहव्याधी असल्याने प्रकृती चिंताजनक झाली का, याचा अभ्यास सुरू आहे.
शहर
- Mumbai Crime : बायकोचा शरीरसंबंधासाठी नकार, नवऱ्याचं क्रूर कृत्य, मुंबई हादरली
- Dombivli crime : डोंबिवलीत लोकलमध्ये मोबाईलची चोरी, हाताला फटका मारून चोरटा मोबाईल घेऊन पसार
- Shocking News: सरकारी जमीन हडपली, दुसऱ्यालाच विकली; पंचायत समितीच्या माजी सभापतीला बेड्या
- Tejas Express : मुंबईतून धावणार दोन स्पेशल तेजस एक्सप्रेस, जाणून घ्या तिकिट अन् मार्ग
महाराष्ट्र
- Buldhana Crime : बुलढाण्यात मस्साजोगची पुनरावृत्ती?; BJP कार्यकर्ता पंकज देशमुख मृत्यू प्रकरणाला वेगळं वळण
- Ahilyanagar News : पावसाने रस्त्यावर चिखल, आदिवासी महिलेला प्रसुतीच्या कळा; उघड्यावर दिलं बाळाला जन्म
- Chhatrapati sambhajinagar : उद्योगपती लड्डांचा घात खास मित्रांनी केला, दरोडेखोरांना सगळं सांगितलं, संभाजीनगरात नेमकं काय घडलं?
- Mumbai Crime : बायकोचा शरीरसंबंधासाठी नकार, नवऱ्याचं क्रूर कृत्य, मुंबई हादरली
गुन्हा
- Pune : पुणे पोलिस दलात खळबळ! वाघोली जमीन घोटाळा, वरिष्ठ पोलिस निरीक्षकावर गुन्हा
- Pune : भारतात राहून पाकिस्तानचा जयजयकार; पुण्याच्या तरूणीला ५ दिवसांची कोठडी
- Crime News : दारूच्या नशेत चेष्टामस्करी; सहकारी दोन कामगारांची शस्त्राने वार करत हत्या
- Pune Crime : प्रेमाच्या जाळ्यात विवाहित महिलेला अडकवलं, नंतर वेश्याव्यवसायात ढकललं; पोलीस कर्मचाऱ्यानेही अब्रु लुटली
राजकीय
- Maharashtra Politics : शिंदेंची शिवसेना चौकशीच्या फेऱ्यात, हेलिकॉप्टरने AB फॉर्म पाठवणं अंगलट!
- Maharashtra Politics : विधानसभेपूर्वी मुंबईत काँग्रेसला मोठा धक्का, रवी राजा यांनी भाजपमध्ये केला प्रवेश
- Maharashtra Politics : किशोर जोरगेवार यांचा अखेर भाजपामध्ये प्रवेश, विरोध करणाऱ्या सुधीर मुनगंटीवार यांनीच केलं स्वागत
- Maharashtra Politics : मुंबई, नांदेडनंतर पुण्यात ठाकरे गटात नाराजी; इच्छुक बंडखोरीच्या तयारीत
इतर
- Aastad Kale : 'राजन नावाचे क्रिमिनल आहेतच की', मुलाचं नाव जहांगीर ठेवल्यामुळे चिन्मय मांडलेकरच्या ट्रोलिंगवर आस्ताद काळेचं स्पष्ट मत
- Ashok Saraf : नाट्य परिषदेचा जीवनगौरव पुरस्कार अभिनेते अशोक सराफ व रोहिणी हटंगडी यांना जाहीर
- Neena Gupta Interview : 'पैशांसाठी मी तशा भूमिका केल्या, देवाकडे प्रार्थना करायची की...' अभिनेत्रीने स्ट्रगलच्या दिवसांतील मांडली व्यथा
- Munawar Faruqui : 'बिग बॉस १७' विनर मुनव्वर फारुकीची प्रकृती बिघडली, रुग्णालयात उपचार सुरू; नेमकं काय झालं?
मनोरंजन
- Anant Ambani Wedding Budget : काय सांगता? अंबानींच्या एका लग्नाच्या बजेटमध्ये पाच सेलिब्रिटींचं लग्न; अनुष्का,दीपिका, प्रियंकाही पडल्या मागे
- बिग बॉस’ फेम अब्दु रोजिकने उरकला १९ वर्षीय अमीराशी साखरपुडा; आनंदाची बातमी देत शेअर केले खास फोटो
- राजकुमार रावच्या ‘श्रीकांत’ची जबरदस्त सुरुवात, कोण आहे ५०० कोटींची कंपनी उभारणारा नेत्रहीन उद्योजक? जाणून घ्या
- ‘महाराष्ट्राची हास्यजत्रा’पेक्षा निलेश साबळेच्या नव्या कार्यक्रमाला प्रेक्षकांच्या चांगला प्रतिसाद, टीआरपीच्या यादीत ‘या’ स्थानावर
विडियो गॅलेरी


















देश विदेश
- Donald Trump : डोनाल्ड ट्रम्प यांना दुहेरी झटका, टॅरिफ धोरण कोर्टाकडून रद्द; एलन मस्क यांनी सोडली साथ
- Panchkula : एकाच कुटुंबातील ७ जणांनी आयुष्य संपवलं; २ पानी सुसाईड नोटमधून धक्कादायक माहिती समोर..
- Amritsar Blast : बॉम्ब ठेवायला गेला अन् हातातच फुटला; एक ठार, अमृतसरमध्ये भीतीचे वातावरण
- Monsoon Update : पुढच्या २४ तासांत मान्सून केरळमध्ये; महाराष्ट्रासह १५ राज्यांमध्ये अतिमुसळधार पावसाचा अलर्ट