Praniti Shinde | संविधान वाचवण्याचा निर्णय घेऊन आम्ही राजकारणात आलोय; प्रणिती शिंदे यांचे सोलापूरमध्ये स्पष्ट विधान

काँग्रेसच्या खासदार प्रणिती शिंदे यांनी नुकतेच एक महत्त्वाचे विधान केले आहे. त्या म्हणाल्या की, “संविधान वाचवण्याचा निर्णय घेऊनच आम्ही राजकारणात आलो आहोत.” त्या खासदार निधीतून करण्यात आलेल्या कामाच्या शुभारंभ कार्यक्रमात बोलत होत्या. सोलापूर महापालिका निवडणूक त्यांच्या मार्गदर्शनाखाली लढवण्यात आली होती. मात्र, काँग्रेसला या निवडणुकीत मोठे अपयश आले. एकेकाळी काँग्रेसचा बालेकिल्ला असलेला सोलापूर आता भाजपच्या ताब्यात आहे. निवडणुकीच्या काळात प्रणिती शिंदे यांनी भाजपवर गंभीर आरोप केले. त्या म्हणाल्या की, आम्ही नेहमी लोकशाही पद्धतीने काम करतो आणि जनतेच्या सेवेसाठी तत्पर असतो. गेल्या वर्षभरात निवडणुका आणि आचारसंहितेमुळे विकासकामांना वेग देता आला नाही. मात्र, आता रखडलेली कामे पूर्ण करून विकासाला गती देण्यावर आमचा भर असेल. खासदार निधीतून सोलापूरमधील अरविंद धाम परिसरात 10 लाख रुपयांचा काँक्रीट रस्ता करण्यात आला आहे. त्याच्या उद्घाटनावेळी त्या बोलत होत्या.