PM Modi Popularity : मोदींची लोकप्रियता पुन्हा वाढली! 2023 च्या तुलनेत 10 टक्क्यांनी वाढली अप्रूवल रेटिंग

मोदींच्या नेतृत्त्वात देशात महत्त्वाच्या घटना

२०२२ मध्ये पंतप्रधान मोदी यांना ६० टक्के अप्रूवल रेटिंग होती. फेब्रुवारी २०२३ मध्ये त्यांना ६७ टक्के अप्रूवल रेटिंग मिळाली होती. म्हणजेच पंतप्रधान मोदी यांना दिवसेंदिवस मान्यता वाढत असल्याचं दिसत आहे. मात्र, डिसेंबर २०२३ मध्ये त्यांच्या अप्रूवल रेटिंगमध्ये २ टक्क्यांनी घट झाली होती. पण, त्यांनी पुन्हा एकदा मोठी मजल मारली आहे. २०२४ मध्ये त्यांनी अप्रूवल रेटिंग वाढली आहे.

पंतप्रधान नरेंद्र मोदी यांच्या नेतृत्त्वात अनेक महत्त्वाच्या घटना देशात घडल्या आहेत. भारतात जी-२० परिषद आयोजित करण्यात आली होती. देश अंतराळ क्षेत्रात मोठी मजल मारत आहे. जगातील प्रमुख देशांसोबत भारताने महत्त्वाचे करार केले आहेत. शिवाय, अनेक देशांसोबत भारताचे संबंध सुधारले आहेत.

संयुक्त अरब अमिरातीमध्ये हिंदू मंदिराचे निर्माण करण्यात आले आहे. मेक इन इंडियाला चालना मिळत आहे अशा काही गोष्टी मोदींच्या पथ्यावर पडल्या आहेत. त्यामुळे त्यांची अप्रूवल रेटिंग वाढली आहे. राम मंदिराच्या निर्माणामुळे प्रामुख्याने उत्तर भारतात मोदींची लोकप्रियता वाढली आहे.