PM Modi Congratulates Shehbaz Sharif : पंतप्रधान मोदींककडून पाकिस्तानच्या पंतप्रधानांचं अभिनंदन, ट्वीट करत म्हणाले...

PM Modi Congratulates Shehbaz Sharif : पंतप्रधान नरेंद्र मोदी यांनी पाकिस्तानचे नवनियुक्त पंतप्रधान शाहबाज शरीफ यांचे अभिनंदन केले आहे. पतप्रधान नरेंद्र मोदी सोशल मीडियावर पोस्ट करत शाहबाज यांना शुभेच्छा दिल्या आहेत. शाहबाज यांनी पंतप्रधानपदाची शपथ घेतल्यानंतर अनेक देशांच्या प्रमुखांनी त्यांचं अभिनंदन केलं. भारताकडून पंतप्रधान मोदींनी शाहबाज यांचं अभिनंदन करत शुभेच्छा दिल्या आहेत.

पंतप्रधान नरेंद्र मोदी यांनी X अकाऊंटवर लिहिलं की, 'पाकिस्तानचे पंतप्रधान म्हणून शपथ घेतल्याबद्दल शाहबाज शरीफ यांचे अभिनंदन.' शाहबाज शरीफ यांनी सोमवारी पाकिस्तानच्या पंतप्रधानपदाची शपथ घेतली. 2022 नंतर त्यांनी दुसऱ्यांदा देशाची सूत्रे हाती घेतली आहेत. 

Lebanon Attack On Israel : हमास पाठोपाठ लेबनॉनचाही इस्रायलवर हल्ला; एका भारतीयाचा मृत्यू, दोघे जखमी

पाकिस्तान आर्थिक संकटाचा सामना करत असताना शाहबाज यांनी दुसऱ्यांदा पाकिस्तानची सूत्रे हाती घेतली आहेत. राष्ट्रपती आरिफ अल्वी यांनी 72 वर्षीय शाहबाज यांना राष्ट्रपती भवन 'ऐवान-ए-सदर' येथे आयोजित समारंभात पंतप्रधानपदाची शपथ दिली.

शाहबाज शरीफ यांनी एप्रिल 2022 ते ऑगस्ट 2023 पर्यंत पाकिस्तानचे पंतप्रधान म्हणून काम केले होते. सार्वत्रिक निवडणुकीत त्यांची पीएमएल-एन आणि पाकिस्तान पीपल्स पार्टी (पीपीपी) यांनी आघाडी केली होती. या आघाडीकडून संयुक्त उमेदवार म्हणून शाहबाज शरीफ यांचे नाव पुढे करण्यात आले होते. 336 सदस्यांच्या सभागृहात पीएमएल-एन आणि पाकिस्तान पीपल्स पार्टीला 201 मते मिळाली होती.