Pimpri Chinchwad Fire : मोरवाडी कोर्टाजवळील मोकळ्या जागेत भीषण आग

Pimpri Chinchwad Fire : पिंपरी चिंचवड शहरातील मोरवाडी कोर्टाजवळ असलेल्या मोकळ्या जागेत भीषण आग लागली आहे. मागच्या एक- दीड तासापासून ही आग धगधगत आहे. शहरातील परिसरात लागलेल्या या आगीमुळे आणि आगीच्या धुरामुळे परिसरातील नागरिकांचा आरोग्य धोक्यात आल आहे.

पिंपरी चिंचवड शहरातील मोरवाडी कोर्टाजवळच्या मोकड्या जागेत ज्या ठिकाणी आग लागली; त्या ठिकाणापासून काही अंतरावर वेगवेगळ्या इंडस्ट्रियल कंपन्या आणि नागरिकांची घर आहेत. त्यामुळे इंडस्ट्रियल कंपन्या आपला कचरा मोरवाडी कोर्टाजवळील मोकळ्या जागेत फेकून देतात. त्याच इंडस्ट्रियल गारबेजने पेठ घेतला असावा असा अग्निशमन विभागाचा प्राथमिक अंदाज आहे. 

Breaking News : शंभू सीमेवर पोलीस-शेतकऱ्यांमध्ये धुमश्चक्री; अश्रुधुराच्या नळकांड्या फोडल्या

८ अग्निशमन बंब दाखल 

मोकड्या जागेतील कचऱ्याला आग लागली असल्याने आग आटोक्यात आणण्यासाठी अग्निशमन विभागाला मोठी कसरत करावी लागत आहे. सध्या पिंपरी चिंचवड महापालिकेचे सात- आठ अग्निशमन बंब घटनास्थळी दाखल झाले असून आग आटोक्यात आणण्यासाठी अग्निशमन विभाग शर्तीचे प्रयत्न करत आहे. दरम्यान आगीमुळे धुराचे लॉट परिसरात पसरले आहेत.