Pardeep Kurulkar : पाकिस्तानसाठी हेरगिरीचा आरोप, शास्त्रज्ञ कुरुलकर यांना १५ मेपर्यंत एटीएस कोठडी;

Pardeep Kurulkar News : हनीट्रॅपद्वारे पाकिस्तानला गोपनीय माहिती पुरविल्याच्या आरोपावरून दहशतवादविरोधी पथकाने अटक केलेले संरक्षण संशोधन आणि विकास संस्थेचे संचालक व वरिष्ठ शास्त्रज्ञ प्रदीप कुरुलकर यांना पुणे सत्र कोर्टाने १५ मे पर्यंत कोठडी सुनावली आहे. कुरुलकर यांची रवानगी आता कोठडीत होणार आहे. 

डीआरडओचे संचालक डॉ. प्रदीप कुरुलकर यांची आज एटीएस कोठडी संपली होती. त्यानंतर आज त्यांना पुणे सत्र कोर्टात हजर केले होते. यावेळी कुरुलकर यांच्या वकिलांनी कोर्टात बाजू मांडली.

कुरुलकर यांच्या वकिलांनी कोर्टात सांगितले की, या प्रकरणाचा तपास २४-२-२३ पासूनच सुरु झाला होता. तर १८-४-२३ रोजी संपर्क साधण्याचे साधने जप्त केले आहेत. फेब्रुवारी महिन्यापासूनच तपास सुरू आहे.

'तक्रारीत विरोधाभास आहे. यात संवेदनशील माहिती आहे असं म्हणलं आहे. ही माहिती काय हे स्पष्ट करण्यात आलेले नाही. त्याची सदर माहिती का स्पष्ट करण्यात आली नाही, याबाबत देखील स्पष्ट करण्यात आलेले नाही, असे डॉ. प्रदीप कुरुलकर यांचे वकील म्हटले.