Palghar Crime News : प्रेयसीची हत्या करणाऱ्या युवकास पश्चिम बंगालमधून अटक, डहाणू पोलिसांची कारवाई

हे प्रेमी युगुल विवाहित असून आपल्या पती-पत्नीला सोडून ते डहाणू येथे खोट्या नावाने मागील काही महिन्यांपासून राहत होते. त्यांच्यात किरकोळ वाद झाल्याने प्रियकर रवींद्र याने प्रियशी अनिशा रेड्डी हिची हत्या केली.

या हत्येनंतर पश्चिम बंगाल येथे पळून गेलेल्या प्रियकराला डहाणू पोलिसांनी मोठ्या शिताफीने सात दिवसांच्या पथक प्रयत्नानंतर अटक केली. पाेलिसांनी आराेप रवींद्र रेड्डी याच्यावर डहाणू पोलिस ठाण्यात (कलम 302) गुन्हा दाखल करण्यात आला.

त्याला न्यायालयात हजर केलं असता 1 एप्रिल पर्यंत पोलीस कोठडी सुनावण्यात आली आहे . या प्रकरणाचा अधिक तपास सद्या डहाणूच्या पोलीस उप अधीक्षक अंकिता कणसे करत आहेत.