Nandurbar Accident : ओव्हरटेकच्या नादात भीषण अपघात! दोन वाहनांची समोरासमोर धडक; ४ जखमी

Nandurbar Accident : नंदुरबारच्या धुळे सुरत राष्ट्रीय महामार्गावर कोंडाईबारी घाटाच्या पायथ्याशी भीषण अपघात झाल्याची घटना समोर आली आहे. तवेरा व ओमनी कार यांच्यात समोरासमोर धडक झाल्याने हा अपघात झाला. या घटनेत चार जण जखमी झाले आहेत. अपघातातील जखमींवर सध्या रुग्णालयात उपचार सुरू आहेत.

धुळे सुरत राष्ट्रीय महामार्गावर कोंडाईबारी घाटाच्या पायथ्याशी भीषण अपघात झाला. साक्रीहून नवापूरच्या दिशेने जाणारी तवेरा कार आणि विसरवाडीहून साक्रीच्याविरुध्द दिशेने जाणाऱ्या ओमनी कारला ओव्हर टेक करण्याच्या नादात धडक दिल्याने ही घटना घडली. या अपघातात ओमनी कार वाहनातील चार जण जखमी असून दोन्ही वाहनांचे मोठे नुकसान झाले आहे.

Manoj Jarange Patil : 'मुख्यमंत्री आणि गृहमंत्र्यांनी भुजबळांची चौकशी करावी अन्यथा...' जरांगे पाटलांचा इशारा

अपघातात जखमी झालेले प्रवासी हे चाळीसगावमधील असल्याचे सांगण्यात येत आहे. अपघातग्रस्तांना पोलीस वाहनाने तात्काळ विसरवाडी ग्रामीण रुग्णालयात उपचारासाठी दाखल केले आहे. विसरवाडी ग्रामीण रुग्णालयात वैद्यकीय अधिकारी डॉ. अजय कुवर यांनी लागलीच उपचार करून नंदुरबार जिल्हा रुग्णालयात हलवण्यात आले आहे.