Nandurbar: नंदुरबारमध्ये यात्रेदरम्यान मोठी दुर्घटना, पाळण्याची कडी तुटल्याने १९ वर्षीय तरुणाचा मृत्यू

सागर निकवाडे, नंदुरबार

नंदुरबारमध्ये यात्रोत्सवात मोठी दुर्घटना घडली. पाळण्याची कडी तुटल्याने एका तरुणाचा मृत्यू झाला. नंदूरबारच्या धडगाव शहरातील जुने धडगाव परिसरात सुरू असलेल्या महादेव आणि देवमोगरा माता मंदिर यात्रोत्सवात आज ही अत्यंत दुर्दैवी घटना घडली. यात्रेतील पाळण्याची कडी अचानक तुटल्याने १९ वर्षीय तरुण खाली कोसळला. या थरारक अपघातामध्ये तरुणाचा मृत्यू झाला. या घटनेमुळे संपूर्ण परिसरात हळहळ व्यक्त केली जात आहे.