Nagpur Fire News : नागपूरच्या कोंढाळी परिसरात मध्यरात्री भीषण आग; ८ ते १० दुकाने जळून खाक

Nagpur Fire News : राज्यात एकीककडे नववर्षाचा जल्लोष साजरा केला जात असताना दुसरीकडे नागपूर शहरात एक भयानक घटना घडली. कोंढाळी नगरपंचायत अंतर्गत असणाऱ्या एका चाळीला सोमवारी (३१ डिसेंबर) मध्यरात्री १ वाजेच्या सुमारास भीषण आग लागली. आग लागल्याचं कळताच परिसरातील नागरिकांनी आरडाओरड सुरू केली. 

क्षणार्धात आगीने संपूर्ण चाळीला विळखा घातला. दरम्यान, आगीची माहिती मिळताच अग्निशमन दलाच्या जवानांनी घटनास्थळी धाव घेतली. पोलिसांनी देखील घटनास्थळी धाव घेत बचावकार्य सुरू केले. रात्री साडेतीन वाजेपर्यंत आग विझवण्याचे काम सुरू होते. तब्बल २ तासांच्या अथक प्रयत्नानंतर आग आटोक्यात आली. सुदैवाने या घटनेत कुठलीही जीवितहानी झाली नाही.

Truck Driver Strike : राज्यातील पेट्रोलपंपांचा पुरवठा ठप्प; इंधन टँकरचालकांचा संप सुरू

मात्र, आगीत ८ ते १० दुकाने जळून खाक झाली आहेत. त्यामुळे दुकानचालकांचं मोठं नुकसान झालं आहे. आग नेमकी कशामुळे लागली? याचे कारण अद्यापही अस्पष्ट आहे. शॉर्ट सर्किटमुळे ही आग लागली असावी, असा अंदाज अग्निशमन दलाच्या जवानांनी व्यक्त केला आहे. नववर्षाच्या सुरुवातीलाच व्यापाऱ्यांचं मोठं नुकसान झाल्याने परिसरातून हळहळ व्यक्त होत आहे.