Mumbai University Election : मुंबई विद्यापीठाची सिनेट निवडणूक अचानक स्थगित; रातोरात काढलं परिपत्रक

Mumbai University Election: मुंबई विद्यापीठाच्या नोंदणीकृत पदवीधर मतदारसंघाची सिनेट निवडणूक कार्यक्रम जाहीर केला होता. मात्र शिंदे-फडणवीस सरकारने मुंबई विद्यापीठ पदवीधर सिनेट निवडणुकीचा कार्यक्रम रद्द केला आहे.

रातोरात परिपत्रक काढून या निवडणुकीला स्थगिती देण्यात आली आहे. विद्यापीठाने हे परिपत्रक काढले आहे. यामुळे चर्चेला उधाण आलं आहे. अचानक निवडणुका रद्द केल्या मनसे आणि ठाकरे गटाने शिंदे-फडणवीस सरकारवर हल्लाबोल केला आहे. विद्यापीठाने जाहीर केलेली निवडणूक येत्या १० सप्टेंबरला होणार होती. या निडणुकीसाठी ठाकरे आणि मसनेने चांगली तयारी केली होती. सरकारच्या या निर्णयामुळे विद्यार्थ्यांमध्ये प्रचंड नाराजी वाढली आहे.

Kalyan Crime : कल्याणमधून २४ वर्षांची महिला पोलीस बेपत्ता, पोलिसांना वेगळाच संशय

मनसे नेते संदीप देशपांडे म्हणाले, "सिनेट निवडणुका रद्द करणे म्हणजे कुठल्याच निवडणुका घ्यायच्या नाहीत या हुकूमशाही प्रवृत्तीच्या दृष्टीने टाकलेलं पाहिलं पाऊल आहे" ठाकरे गटाचे  वरुण सरदेसाई म्हणाले,  "मुंबई विद्यापीठाची सिनेट निवडणूक अचानक स्थगित करून टाकली!. निवडणूक कार्यक्रम जाहीर झाल्यावर असे करणे हे बेकायदेशीर आणि घाबरटपणाचे लक्षण आहे. आपण जिंकणार नाही म्हणून कोणत्याच निवडणूका नकोत, अगदी विद्यापीठाच्या पण नकोत हे लोकशाहीला प्रचंड घातक आहे". 
विद्यापीठाने शासनाच्या निर्देशानुसार निवडणूक रद्द केल्याचे सांगितलं. विद्यापीठाने कोणतेही ठोस कारण आले नाही. पण सरकारने विद्यापीठाला पत्राद्वारे निवडणूक रद्द करण्याचे सांगितले, अशी माहिती मिळत आहे.